ఓ రీల్ స్టార్‌ రియల్ స్టోరీతో మాధవిలత హీరోయిన్‌గా “లేడీ”

ప్రముఖ హీరోయిన్ మాధవి లత సోలో పెర్ఫార్మన్స్‌లో మోనో ప్లే పద్ధతిని అనుసరించి జీఎస్ఎస్ఎస్‌పీ కళ్యాణ్ డైరెక్ష‌న్‌లో రూపొందుతున్న రియల్ లైఫ్ థ్రిల్లింగ్ ఎమోషనల్ డ్రామా “లేడీ”. ఈ మోనో ప్లే ఎక్సపెరిమెంటల్ మూవీని చ‌ర‌ణ్స్‌ క్రియేషన్స్, జీఎస్ఎస్ఎస్‌పీకే స్టూడియోస్‌ బ్యానెర్ల‌పై సత్యనారాయణ గొరిపర్తి, జీఎస్ఎస్ఎస్‌పీ కళ్యాణ్ నిర్మిస్తున్నారు. ఒకే ఒక క్యారెక్టర్‌తో ఈ సినిమా తెరకెక్కినట్లుగా డైరెక్ట‌ర్‌ కళ్యాణ్ తెలిపారు. అలానే ఓ రీల్ స్టార్ రియల్ స్టోరీతో ఈ సినిమాను రెడీ చేస్తున్నామన్నారు కళ్యాణ్. సినిమా ఆద్యంతం సస్పెన్స్, థ్రిల్లింగ్ ఎపిసోడ్స్ తో ప్రేక్షకులను ఆకట్టుకునే రీతిన తీర్చిదిద్దినట్లుగా కళ్యాణ్ చెప్పారు. ఈ సినిమాకి మాధ‌వి లత నటన ప్రధాన ఆకర్షణగా నిలవబోతుందని, సినిమాను ప్రేక్షకులు ఆదరిస్తారనే నమ్మకంతో ఉన్నట్లుగా చిత్రం బృందం తెలిపింది. చిత్రానికి సంబంధించిన‌ అన్ని కార్యక్రమాలు పూర్తి చేసుకొని భారీ స్థాయిలో ఈ చిత్రాన్ని రిలీజ్ చేయడానికి సన్నాహాలు చేస్తున్నట్లుగా నిర్మాత సత్యనారాయణ చెప్పారు.

Read More: ఏపీః మండ‌పేట ఎమ్మెల్యేకి క‌రోనా పాజిటివ్‌