తులసి ఆకులను ఏ రోజున తెంపాలి..? ఈ సమయాల్లో తెంపడం పాపం..!
హిందూ మతంలో తులసి మొక్క పవిత్రమైనది. లక్ష్మీదేవి నివాసంగా భావించే తులసి ఆకులను కోసేందుకు కొన్ని వాస్తు నియమాలున్నాయి. ఏకాదశి, ఆదివారం, సూర్య-చంద్ర గ్రహణాల నాడు తులసి ఆకులను కోయకూడదు. ముఖ్యంగా సాయంత్రం పూట కోయడం తులసి మాతకు అగౌరవం. ఈ నియమాలను అతిక్రమిస్తే లక్ష్మీదేవి ఆగ్రహానికి గురై ఆర్థిక నష్టాలు సంభవిస్తాయని నమ్ముతారు.
మతపరమైన వేడుకలలో కొన్ని వస్తువులు చాలా ముఖ్యమైనవి. ఈ వస్తువులను వాటి స్వచ్ఛత, పవిత్రత కోసం ఉపయోగిస్తారు. ఆచారాల సమయంలో ఉపయోగించే తులసి ఆకులు ఈ కోవలోకే వస్తాయి. తులసి మొక్క హిందూ మతంలో ఎంతో గౌరవప్రదమైనది. ఈ మొక్కలో లక్ష్మీదేవి నివసిస్తుందని నమ్ముతారు. ఈ మొక్కకు సంబంధించిన అనేక నియమాలను వాస్తు శాస్త్రం వివరిస్తుంది. ఉదాహరణకు, తులసి మొక్కను ఏ దిశలో ఉంచాలి? ఏ మొక్కల దగ్గర ఉంచకూడదు? తులసి మొక్క దగ్గర ఏ వస్తువులను ఉంచకూడదు? ఇలాంటి విషయాల పట్ల ప్రజలు అప్రమత్తంగా వ్యవహరిస్తుంటారు. అయితే, తులసి ఆకులను ఎప్పుడు తెంచకూడదు అనే విషయం కూడా వాస్తుశాస్త్రంలో నియమాలు ఉన్నాయి. కాబట్టి, దీని గురించి ఇక్కడ తెలుసుకుందాం…
తులసి ఆకులను కోయడం గురించి శాస్త్రాలు అనేక నియమాలను పేర్కొంటున్నాయి. ఈ నియమాల ప్రకారం, తులసి ఆకులను ఏకాదశి నాడు ఎప్పుడూ కోయకూడదు. అదేవిధంగా, సూర్య, చంద్ర గ్రహణాల నాడు దీన్ని చేయకూడదు. శాస్త్రాల ప్రకారం వారంలో ఒక రోజు తులసి ఆకులను ప్రత్యేకంగా కోయకూడదు. అది ఆదివారం. ఆదివారం తులసి ఆకులను కోయడం వల్ల లక్ష్మీదేవి నిరాశ చెందుతుందని, మన ఆర్థిక పరిస్థితి దెబ్బతింటుందని నమ్ముతారు. ఇది మన ఇంటి ఆనందం, శ్రేయస్సును కూడా ప్రభావితం చేస్తుంది.
సాయంత్రం తులసిని కోయకండి.
సాయంత్రం పూలు, మొక్కలను కోయడం తగదు. అదేవిధంగా, తులసి ఆకులను కూడా సాయంత్రం కోయకూడదని చెబుతున్నారు. సాయంత్రం పూట తులసి ఆకులను కోయడం ద్వారా తులసి మాతను అగౌరవపరచకూడదని అంటారు. తులసి మాత సాయంత్రం విశ్రాంతి తీసుకుంటుందని నమ్ముతారు. తులసిమాతను ఇబ్బంది పెట్టడం వల్ల లక్ష్మీదేవిని మాత్రమే కాకుండా విష్ణువు మూర్తి ఆగ్రహానికి కూడా కారణమవుతారు. అలాగే, మురికి చేతులతో తులసి మొక్కను ఎప్పుడూ తాకకూడదని కూడా గ్రంథాలు చెబుతున్నాయి.
Note : ఈ వార్తలలో చెప్పిన సమాచారం మత విశ్వాసాలపై ఆధారపడి ఉంది. కేవలం పాఠకుల ఆసక్తి మేరకు, పలువురు పండితుల సూచనలు, వారు తెలిపిన అంశాల ఆధారంగా అందించినవి మాత్రమే.. వీటిలో ఎలాంటి శాస్త్రీయ ఆధారాలు లేవని పాఠకులు గమనించాలి. టీవీ9 తెలుగు దీనిని ధృవీకరించలేదు.
మరిన్ని హ్యుమన్ ఇంట్రెస్ట్ వార్తల కోసం క్లిక్ చేయండి..