Chicken 65: వార్నీ.. చికెన్ 65కి అసలు మీనింగ్ ఇదా? ఆ పేరు వెనుక ఉన్న షాకింగ్ హిస్టరీ ఇదే!

Origin Of Chicken 65

బయట క్రిస్పీగా.. లోపల జ్యుసీగా ఉండే చికెన్ 65 అంటే ఎవరికి ఇష్టం ఉండదు చెప్పండి? సాధారణ చికెన్ కర్రీకి, దీనికి నక్కకు నాగలోకానికి ఉన్నంత తేడా ఉంటుంది. అసలు ఈ వంటకం ఎలా పుట్టింది? చెన్నైలోని ఒక ప్రసిద్ధ హోటల్ దీనికి ఆ పేరు ఎందుకు పెట్టింది? ప్రపంచవ్యాప్తంగా ఫేమస్ అయిన ఈ దేశీ వంటకం వెనుక ఉన్న ఇంట్రెస్టింగ్ ఫ్యాక్ట్స్ మీ కోసం..

పేరు వెనుక చరిత్ర:

చాలా మంది చికెన్ 65 అంటే 65 రకాల మసాలాలు వాడతారని లేదా 65 రోజుల కోడిని వాడుతారని రకరకాలుగా అనుకుంటారు. కానీ అసలు కారణం ఏంటంటే.. ఈ వంటకాన్ని 1965లో చెన్నైలోని ప్రసిద్ధ బుహారీ హోటల్‌లో మొదటిసారి ప్రవేశపెట్టారు. ఆ సంవత్సరాన్ని గుర్తుంచుకోవడానికి హోటల్ వ్యవస్థాపకులు దీనికి ‘చికెన్ 65’ అని పేరు పెట్టారు.

రుచి వెనుక రహస్యం:

చికెన్ 65 అంత రుచిగా ఉండటానికి కారణం దాని మ్యారినేషన్. పెరుగు, అల్లం-వెల్లుల్లి పేస్ట్, కారం పొడి, కార్న్ ఫ్లోర్ (మొక్కజొన్న పిండి) మరియు ప్రత్యేక సుగంధ ద్రవ్యాలతో ముక్కలను నానబెట్టి.. ఆపై డీప్ ఫ్రై చేస్తారు. దీనివల్ల ముక్క బయట క్రిస్పీగా మరియు లోపల మెత్తగా, జ్యుసీగా ఉంటుంది.

ప్రపంచవ్యాప్త గుర్తింపు:

చెన్నైలో మొదలైన ఈ రుచి ప్రయాణం కాలక్రమేణా దేశవ్యాప్తంగా ప్రసిద్ధి చెందింది. నేడు చికెన్ 65 లేని నాన్-వెజ్ మెనూ కార్డు ఉండదంటే అతిశయోక్తి కాదు. కేవలం స్టార్టర్ గానే కాకుండా, బిర్యానీతో కలిపి కూడా దీనిని ఎంతో ఇష్టంగా తింటారు.