డబ్బు పొదుపు చేయాలని చూస్తున్నారా ? నెలకు రూ. 10,000 పెట్టుబడి పెడితే.. రూ. 16 లక్షలు పొందొచ్చు. వివరాలు ఇవే.

Post Office Deposit Scheme: కరోనా కాలంలో పొదుపు చాలా ముఖ్యమైనది. మీకు వచ్చే నెలవారీ ఆదాయం చిన్నదైనా.. పెద్దదైనా.. అందులో నుంచి కొంత డబ్బు సేవ్ చేసుకోవడం..

Post Office Deposit Scheme

Ravi Kiran | Edited By: Team Veegam|
Updated on: Feb 11, 2021 | 3:42 PM

Post Office Deposit Scheme: కరోనా కాలంలో పొదుపు చాలా ముఖ్యమైనది. మీకు వచ్చే నెలవారీ ఆదాయం చిన్నదైనా.. పెద్దదైనా.. అందులో నుంచి కొంత డబ్బు సేవ్ చేసుకోవడం చాలా అవసరం. రాబోయే కాలంలో మీ చిన్న పొదుపులు పెద్ద మూలధనంగా మారవచ్చుననే విషయాన్ని మర్చిపోకూడదు. ఇక ఇప్పుడు చెప్పబోయేది కూడా అలాంటి స్కీమ్ గురించే.. అదేంటో ఇప్పుడు చూద్దాం…

పోస్టాఫీసు ఆర్‌డీ స్కీం…

అందరికీ అనువుగా ఉండేలా పోస్టాఫీసులో ఓ అద్భుతమైన స్కీం అందుబాటులో ఉంది. ఆ స్కీంలో నెలకు రూ .10,000 పెట్టుబడితో.. ఏకంగా రూ .16 లక్షలు పొందవచ్చు. అయితే ఇలా పొందాలంటే మీరు ప్రతీ నెలా.. 10 సంవత్సరాల పాటు ఇన్వెస్ట్ చేయాల్సి ఉంటుంది. పోస్టాఫీసుల ద్వారా కేంద్ర ప్రభుత్వం అనేక చిన్న పొదుపు పధకాలను సామాన్యులకు అందుబాటులోకి తీసుకొచ్చింది. వాటి ద్వారా ప్రతీ నెలా పొడుపు చేసి భవిష్యత్తులో మంచి లాభాలను పొందొచ్చు.

ఈ పోస్ట్ ఆఫీస్ RD స్కీం ప్రస్తుతం 5.8 శాతం వడ్డీ రేటును అందిస్తుంది. ఇక ఈ వడ్డీ రేటు ప్రతీ సంవత్సరం రెట్టింపు అవుతుంది. మీరు ఈ పధకంలో నెలకు కేవలం 100 రూపాయల నుండి పెట్టుబడి పెట్టడం ప్రారంభించవచ్చు. నెలవారీ వాయిదాలను మీరు పోస్ట్ ఆఫీస్ RD ప్లాన్‌లో చెల్లించవచ్చు. ఈ పోస్టాఫీసు RD స్కీంకు సంబంధించిన వాయిదాలు గడువులోపు చెల్లించాల్సి ఉంటుంది. అలాగే ఈ స్కీం మెచ్యూరిటీ గడువు 5 ఏళ్లుగా.. దాన్ని మరో 5 సంవత్సరాలకు పొడిగించుకునే అవకాశం ఉంది.