Ghee Purity: నెయ్యి స్వచ్ఛమైనదో కాదో తెలుసుకోవాలంటే.. ఇలా టెస్ట్ చెస్తే.. కల్తీ జరిగిందో లేదో ఇలా తెలుసుకోవచ్చు..

చాలామందికి నేతిచుక్క కలవనిదే ముద్ద గొంతు దిగాదు. నెయ్యి శరీరానికి ఎన్నో పోషకాల్ని అందిస్తుంది. నెయ్యిని వంటకాలు తయారీలో గాని, నేరుగా గాని వాడవచ్చును. నెయ్యి మన ఆరోగ్యానికి చాలా ఉపయోగకరంగా ఉంటుంది. ఇది ప్రతి భారతీయ వంటగదిలో సులభంగా లభిస్తుంది. నెయ్యి నుంచి ఎన్నో అద్భుతమైన వంటకాలు తయారు చేస్తారు. అది లేకుండా వాటిని తయారు చేయడం చాలా కష్టం. కానీ మీ ఆరోగ్యాన్ని మెరుగుపరచడానికి మీరు మీ ఆహారంలో చేర్చే నెయ్యి, ఇది నిజమా లేదా ఎక్కడైనా కల్తీ ఉందా..? ఇప్పుడు మీరు నెయ్యిలో ఏం కల్తీ చేస్తారో ఆలోచిస్తూ ఉండాలి. కానీ చాలా మంది మార్కెట్‌లో అమ్మే నెయ్యిని కొనుగోలు చేస్తుంటారు. ఐతే ఇప్పుడు అంతా కల్తీకాలం నడుస్తోంది. అన్నింటినీ కల్తీమయం చేస్తున్నారు. మరి మీరు వాడుతున్న నెయ్యి అసలైనదేనా? లేదా కల్తీదా? అని ఖచ్చితంగా తెలుసుకోవాలి..

మార్కెట్‌లోని అనేక పెద్ద బ్రాండ్‌ల నెయ్యిలో కూడా కల్తీ జరిగినట్లు అనేక సార్లు వార్తలు తెరపైకి వచ్చాయి. అటువంటి పరిస్థితిలో, గందరగోళానికి గురి కాకుండా మీరు కొన్ని సులభమైన మార్గాల్లో నిజమైన.. నకిలీ నెయ్యిని గుర్తించవచ్చు. నకిలీ ఆహార పదార్థాలను కొనుగోలు చేయడం వల్ల డబ్బు కోల్పోవడమే కాకుండా మన ఆరోగ్యాన్ని పాడు చేసుకుంటాం. అయితే నకిలీని గుర్తించేందుకు కొన్ని పద్దతులు ఉన్నాయి. అవేంటంటే..

అయొడిన్ వేయండి ద్వారా..

చాలా సింపుల్‌గా నకిలీ నెయ్యిని పట్టేయవచ్చు. అసలైన నెయ్యిని గుర్తించేందుకు అందులో 4 లేదా 5 చుక్కలు అయొడిన్ వేయండి. అది నీలి రంగులోకి మారితే నకిలీదని అర్ధం. నెయ్యి ఆలుగడ్డ వంటి పిండి పదార్థాలు కలపడం వలన ఈ రంగు వస్తుంది.

అరచేతిపై రుద్దండి..

రెండవ మార్గాన్ని ప్రయత్నించడానికి మీకు గ్యాస్ లేదా ఏదైనా వస్తువు అవసరం లేదు. ఎందుకంటే మీరు మీ అరచేతితో తెలుసుకోవచ్చు. అవును, అసలు, నకిలీ నెయ్యిని గుర్తించడానికి మీ అరచేతిపై కొద్దిగా నెయ్యి రుద్దినప్పుడు.. అది కరగడం ప్రారంభించినప్పుడు, మీ నెయ్యి స్వచ్ఛమైనదని అర్థం చేసుకోండి. మరోవైపు అరచేతులకు రాసుకున్నా కూడా నెయ్యి కరగకుండా గడ్డకట్టుకుపోయి ఉంటే అది కల్తీ కావచ్చు.

ఉప్పు ద్వారా..

ఇది స్వచ్ఛమైన నెయ్యి లేదా కల్తీ నెయ్యి కాదా అని తెలుసుకోవడానికి ఉప్పు కూడా మీకు సహాయపడుతుంది. దీని కోసం, ఒక గిన్నెలో ఒక చెంచా నెయ్యి వేసి, ఆపై దానికి రెండు చిటికెడు ఉప్పు, కొద్దిగా హైడ్రోక్లోరిక్ యాసిడ్ జోడించండి. తర్వాత ఈ పేస్ట్‌ని ఇలా వదిలేయండి. 20 నుండి 25 నిమిషాల తర్వాత, నెయ్యి నుంచి వేరే రంగు వస్తే, మీ నెయ్యి నకిలీదని, రంగు బయటకు రాకపోతే, నెయ్యి స్వచ్ఛమైనదని స్పష్టమవుతుంది.

Note: ( ఇక్కడ ఇవ్వబడిన సమాచారం మీడియా ప్లాట్‌ఫారమ్‌లలో అందుబాటులో ఉన్న సమాచారం ఆధారంగా ఉంది. టీవీ9 NEWS దానిని ధృవీకరించలేదు.)

మరిన్ని హ్యూమన్ ఇంట్రెస్టింగ్ న్యూస్ కోసం