Weather: రైతులకు హెచ్చరిక.. అల్పపీడనం మళ్లీ ఏర్పడింది.. ఈ రాష్ట్రాల్లో భారీ వర్షాలు
Weather: దక్షిణ అండమాన్ సముద్రంపై అల్పపీడనం కొనసాగుతోంది. ఇది నవంబర్ 15 నాటికి ఉత్తర అండమాన్ సముద్రం, దానిని ఆనుకుని ఉన్న బంగాళాఖాతం వైపు
Weather: దక్షిణ అండమాన్ సముద్రంపై అల్పపీడనం కొనసాగుతోంది. ఇది నవంబర్ 15 నాటికి ఉత్తర అండమాన్ సముద్రం, దానిని ఆనుకుని ఉన్న బంగాళాఖాతం వైపు వెళ్లి అల్పపీడనంగా మారే అవకాశం ఉంది. ఇది మరింత బలపడి నవంబర్ 18 నాటికి ఆంధ్రప్రదేశ్ తీరానికి చేరుకునే అవకాశం ఉంటుంది. భారత వాతావరణ శాఖ (ఐఎండీ) శనివారం ఈ విషయాన్ని వెల్లడించింది. ఈ అల్పపీడనం కారణంగా నవంబర్ 16 నుంచి18 మధ్య చాలా రాష్ట్రాల్లో భారీ నుంచి అతి భారీ వర్షాలు కురిసే అవకాశం ఉంది. అల్పపీడన ద్రోణి ప్రభావంతో ఆంధ్రప్రదేశ్ తీరాలతో పాటు పశ్చిమ ఒడిశా, దక్షిణ ఛత్తీస్గఢ్, తెలంగాణలో భారీ వర్షాలు కురిసే అవకాశం ఉందని ప్రైవేట్ వాతావరణ అంచనా సంస్థ స్కైమెట్ వెదర్ నివేదిక వెల్లడించింది.
ఒడిశా, కేరళలో వర్షాలు కురిసే అవకాశం
ఇది కాకుండా రానున్న 24 గంటల్లో ఒడిశాలోని ఖోర్దా, పూరి, కటక్, భువనేశ్వర్, నయాగర్, గంజాం, గజపతి, రాయగడ, కంధమాల్, అంగుల్, జాజ్పూర్, కేంద్రపరా జిల్లాల్లో చాలా చోట్ల భారీ వర్షాలు, ఉరుములతో కూడిన జల్లులు పడే అవకాశం ఉంది. అదే సమయంలో అల్పపీడనం ప్రభావంతో, నవంబర్ 17 నుంచి19 మధ్య ఒడిశాలోని అనేక జిల్లాల్లో మరోసారి భారీ వర్షాలు కురిసే అవకాశం ఉంది. ఇతర రాష్ట్రాల గురించి చెప్పాలంటే కేరళలోని అనేక ప్రాంతాల్లో నవంబర్ 12 రాత్రి నుంచి నిరంతరాయంగా వర్షాలు కురుస్తున్నాయి. నవంబర్ 16 వరకు కేరళలో ఒకటి రెండు చోట్ల పిడుగులు పడే అవకాశం ఉందని ఐఎండీ ఓ ప్రకటనలో తెలిపింది.
ఆదివారం ఆయా ప్రాంతాల్లో వర్షాలు కురిసే అవకాశం
ఆదివారం గురించి మాట్లాడినట్లయితే.. స్కైమెట్ వెదర్ ప్రకారం ఒడిశా, కేరళ, కోస్టల్ కర్ణాటక, తమిళనాడులోని కొన్ని ప్రాంతాలు, దక్షిణ ఇంటీరియర్ కర్ణాటకలో తేలికపాటి నుంచి మోస్తరు వర్షం కురుస్తుంది. ఇంటీరియర్ ఒడిశా, ఛత్తీస్గఢ్, తెలంగాణ, విదర్భ, మరఠ్వాడా, దక్షిణ కొంకణ్, గోవా, దక్షిణ మధ్య మహారాష్ట్రలో తేలికపాటి నుంచి మోస్తరు వర్షాలు కురుస్తాయి. ఈ సందర్భంగా రైతులు అప్రమత్తంగా ఉండాలని ఐఎండీ హెచ్చరించింది.