ఎయిర్‌పోర్టులోకి దూసుకొచ్చిన నిరసనకారులు.. విమాన రాకపోకలు రద్దు

వరుస ఆందోళనలతో హాంకాంగ్ అట్టుడుకుతోంది. దీని ఎఫెక్ట్ అక్కడి విమాన రాకపోకల మీద కూడా పడింది. ప్రస్తుత పరిస్థితుల్లో హాంకాంగ్‌కు విమాన రాకపోకలను రద్దు చేస్తునట్లు హాంకాంగ్‌ విమానాశ్రయ అధికారులు సోమవారం తెలిపారు. వేలమంది నిరసనకారులు విమనాశ్రయాల్లోకి చొచ్చుకొని వస్తూ ఆందోళనకు దిగుతున్నారు. హాంకాంగ్‌ సురక్షితం కాదు, పోలీసు వ్యవస్థ తీరు బాగోలేదంటూ నినాదాలు చేస్తూ నిరసన వ్యక్తం చేస్తున్నారు. దీంతో అక్కడంతా గందరగోళం నెలకొంది. ఈ సమయంలో ప్రయాణికులు సరైన సౌకార్యాలు కల్పించలేమంటూ విమానాశ్రయ వర్గాలు చేతులెత్తేశాయి. హాంకాంగ్‌ నుంచే వచ్చే, ఆ దేశం నుంచి ఇతర దేశాలకు వెళ్లే విమానాలన్నీ రద్దు చేసినట్టు అధికారులు పేర్కొన్నారు. హాంకాంగ్‌ దేశంలో చైనా జోక్యాన్ని వ్యతిరేకిస్తూ అక్కడి ప్రొ-డెమోక్రసీ సభ్యులు గత కొన్ని నెలలుగా ఆందోళనలు చేస్తున్న సంగతి తెలిసిందే. సోమవారం ఆ నిరసనల ప్రభావం ఆ దేశ షేర్‌ మార్కెట్‌పై పడి తీవ్ర నష్టాలను చవిచూసింది.

Leave a Reply

Your email address will not be published. Required fields are marked *