Bitter Gourd Health Benefits: కొంచెం చేదుగున్నా రోజు తాగితే ఎన్ని ఆరోగ్య ప్రయోజనాలో తెలుసా..?
కాకరకాయ రసం అనేక ఆరోగ్య ప్రయోజనాలు కలిగిన ఒక అద్భుతమైన డ్రింక్. దీని రుచి చేదు అయినప్పటికీ ఇది రక్తంలో షుగర్ స్థాయిని సమతుల్యం చేయడంలో కాలేయాన్ని శుద్ధి చేయడంలో, జీర్ణక్రియను మెరుగుపరచడంలో ఎంతో ప్రయోజనకరంగా ఉంటుంది. రోజూ ఖాళీ కడుపుతో దీనిని తాగడం వల్ల శరీరానికి విపరీతమైన లాభాలను ఇస్తుంది.
కాకరకాయ చేదు రుచి ఉన్నా దీనిలో ఎన్నో ఆరోగ్య గుణాలు దాగివున్నాయి. ముఖ్యంగా రోజూ ఖాళీ కడుపుతో కాకరకాయ రసం తాగడం వల్ల శరీరానికి ఎన్నో రకాల లాభాలు కలుగుతాయని నిపుణుల అభిప్రాయం. కాకరకాయ జ్యూస్లో పీచు (ఫైబర్), పొటాషియం, సోడియం, ఫాస్ఫరస్, మెగ్నీషియం, మాంగనీస్, క్యాల్షియం, రైబోఫ్లావిన్ (విటమిన్ B2), రాగి, జింక్, ఐరన్ వంటి ఎన్నో ఖనిజాలూ, విటమిన్లూ ఉన్నాయి. ఇవన్నీ శరీరానికి అవసరమైన ముఖ్య పోషకాలు. ఇవి శరీర కణజాలాల పనితీరును మెరుగుపరుస్తాయి.
రోజూ ఉదయాన్నే ఖాళీ కడుపుతో కాకరకాయ రసం తాగితే రక్తంలో షుగర్ స్థాయిని సమతుల్యం చేయగలుగుతుంది. అందుకే మధుమేహ బాధితులకు ఇది ఒక సహజ చికిత్సలాంటిదే. ఈ రసంలో ఉండే చురుకైన శక్తి వలన శరీరంలో ఇన్సులిన్ విడుదల మెరుగుపడుతుంది.
కాకరకాయ రసంలో యాంటీ ఆక్సిడెంట్ గుణాలు చాలా ఎక్కువగా ఉంటాయి. ఇవి శరీరానికి హానికరమైన ఫ్రీ రాడికల్స్ను తొలగించడంలో సహాయపడతాయి. ఫలితంగా శరీరం వ్యాధులపై పోరాడే సామర్థ్యం పెరుగుతుంది. తక్కువగా జబ్బులు పడే పరిస్థితి ఏర్పడుతుంది.
ఫైబర్ ఎక్కువగా ఉండటంతో కాకరకాయ జ్యూస్ జీర్ణక్రియకు ఎంతో మేలు చేస్తుంది. ఇది అజీర్ణం, గ్యాస్, మలబద్ధకం వంటి సమస్యల నుంచి ఉపశమనం ఇస్తుంది. అలాగే ఇది పేగుల శుభ్రతను కాపాడుతుంది.
కాకరకాయ రసం కాలేయాన్ని శుద్ధి చేయడంలో సహాయపడుతుంది. ఇది లోపలికి చేరిన విషపదార్థాలను బయటకు పంపి కాలేయ ఆరోగ్యాన్ని మెరుగుపరుస్తుంది. శరీరంలో బలహీనత తగ్గుతుంది, శక్తి స్థాయులు పెరుగుతాయి.
కాకరకాయ రసం చేదుగా ఉండటంతో కొంతమందికి తాగడం కష్టంగా అనిపించవచ్చు. కానీ చిన్న పరిమాణంలో రోజూ తీసుకుంటూ పోతే శరీరానికి ఎటువంటి ఇబ్బంది ఉండదు. ఒక్కసారిగా ఎక్కువ తీసుకోవడం కాకుండా తగిన మోతాదులో వాడితేనే దీని ప్రయోజనాలు తెలుస్తాయి.
రోజూ ఉదయం కాకరకాయ రసం తాగడం వలన శరీరం హల్తీగా ఉంటుంది, వ్యాధుల రాక తగ్గుతుంది. అయితే ఎప్పటికైనా మొదలుపెట్టేముందు వైద్యుల సలహా తీసుకోవడం మంచిది.
(NOTE: ఇందులోని అంశాలు కేవలం అవగాహన కోసం మాత్రమే. నిపుణులు అందించిన సమాచారం ప్రకారం ఇక్కడ తెలియజేయడమైనది. ఆరోగ్యరీత్యా ఎలాంటి సమస్యలు ఉన్నానేరుగా వైద్య నిపుణులను సంప్రదించడం మంచిది)