Tomatoes Health Benefits: టమాటా కేవలం కూరలకే కాదు.. ఆరోగ్యానికి మస్తు పని చేస్తుంది..!
టమోటా మనం ప్రతి రోజు కూరల్లో వాడే పదార్థం. కానీ దీని లో దాగిన ఆరోగ్య రహస్యాలు చాలా మందికి తెలియవు. తల నుంచి కాలి వరకు శరీరానికి టమోటా ఉపయోగపడుతుంది. ఇది కేవలం రుచికే కాకుండా ఆరోగ్యానికి కూడా సహాయకారి.
టమోటా విటమిన్లు, ఖనిజాలు అధికంగా కలిగి ఉంటుంది. దీనిలో ఉండే పోషకాలు శరీరాన్ని ఆరోగ్యంగా ఉంచుతాయి. టమోటాలో ఉండే విటమిన్ ఎ, విటమిన్ సి, పొటాషియం, విటమిన్ కె వంటి పదార్థాలు ఆరోగ్యానికి అవసరం. ఇవి ఇమ్యూనిటీని పెంచుతాయి. చర్మాన్ని ఆరోగ్యంగా ఉంచుతాయి. ఎముకలకు బలాన్నిస్తాయి.
టమోటాలో లైకోపీన్ అనే పదార్థం గుండెను రక్షించడంలో సహాయపడుతుంది. ఇది శరీరంలోని హానికరమైన కొవ్వును తగ్గించడంలో ఉపయోగపడుతుంది. గుండె జబ్బులు, స్ట్రోక్, డయాబెటిస్ వంటి సమస్యల ముప్పు తగ్గుతుంది. ముఖ్యంగా ప్రతి వారం రెండుసార్లు టమోటా వాడటం గుండెకు మంచిది.
టమోటాలో లూటిన్, బీటా కెరోటిన్ ఉండటం వల్ల కళ్ళకు మేలు జరుగుతుంది. వయస్సు పెరిగినప్పుడు వచ్చే కంటి సమస్యలను తగ్గించడంలో సహాయపడుతుంది. కంటి చూపు మెరుగుపడుతుంది. మాక్యులర్ డిజెనరేషన్ అనే కంటి సమస్య రాకుండా నివారిస్తుంది.
టమోటా శరీరంలో జీర్ణక్రియను మెరుగుపరుస్తుంది. ఫ్రీ రాడికల్స్ వల్ల జరిగే హానిని తగ్గిస్తుంది. ఇవి కొలెస్ట్రాల్పై ప్రభావం చూపకుండా అడ్డుకుంటుంది. దాంతో గుండె సంబంధిత సమస్యలు రాకుండా కాపాడుతుంది.
2017లో చేసిన పరిశోధన ప్రకారం టమోటా తినడం వల్ల శరీరంలో కెరోటినాయిడ్లు పెరుగుతాయి. ఇవి సూర్యుడి కిరణాల వల్ల వచ్చే చర్మ సమస్యలను తగ్గిస్తాయి. ఇలా టమోటా చర్మాన్ని క్యాన్సర్ వంటి రోగాల నుంచి కాపాడుతుంది.
2019లో టోక్యోలో చేసిన పరిశోధన ప్రకారం ఉప్పు లేకుండా చేసిన టమోటా రసం తాగితే రక్తపోటు తగ్గుతుంది. దాదాపు 500 మంది వ్యక్తులపై చేసిన పరీక్షల్లో ఇది ఋజువైంది. అందులో 94 మందికి రక్తపోటు ఉన్నా మందులు వాడకుండానే టమోటా రసం తాగడం వల్ల మంచి ఫలితాలు వచ్చాయి.
చెడు కొలెస్ట్రాల్ కూడా తగ్గుతుంది. ఆ అధ్యయనంలో 125 మందికి చెడు కొలెస్ట్రాల్ స్థాయి గణనీయంగా తగ్గినట్టు గుర్తించారు. టమోటా రసాన్ని క్రమం తప్పకుండా తాగడం వల్ల హృదయ సంబంధిత ప్రమాదాల ముప్పు తగ్గుతుంది.
టమోటా కేవలం వంటకాల్లో రుచి కోసం మాత్రమే కాదు.. ఆరోగ్యాన్ని కాపాడే సహజ ఔషధంగా తీసుకోవచ్చు. ప్రతి రోజు కొంచెం టమోటా తీసుకోవడం ద్వారా శరీరానికి అవసరమైన పోషకాలు అందుతాయి. ఇది తక్కువ ఖర్చుతో వచ్చే ఆరోగ్య రహస్యం.
(NOTE: ఇందులోని అంశాలు కేవలం అవగాహన కోసం మాత్రమే. నిపుణులు అందించిన సమాచారం ప్రకారం ఇక్కడ తెలియజేయడమైనది. ఆరోగ్యరీత్యా ఎలాంటి సమస్యలు ఉన్నానేరుగా వైద్య నిపుణులను సంప్రదించడం మంచిది)