Flax Seeds
అవిసెగింజలు ఆరోగ్యానికి ఎంతో మేలు చేస్తాయి. ముఖ్యంగా మహిళలకు ఈ గింజల ద్వారా ఎన్నో బెనిఫిట్స్ ఉన్నాయి. బరువు తగ్గాలన్నా, నెలసరి క్రమం తప్పకూడదన్నా అవిసెగింజల్ని ఆహారంలో చేర్చుకుంటే సరిపోతుంది. ఏ శాకాహారంలోనూ లేనంత ఎక్కువగా లిగ్నాన్స్ అవిసె గింజల్లో ఉన్నాయి. మహిళలకు ఎంతో ఉపయోగకరమైన ఈస్ట్రోజన్, యాంటీ ఆక్సిడెంట్లు కలిపి ఉన్న గింజలు ఇవి. ప్రొస్టేట్ క్యాన్సర్, రొమ్ముక్యాన్సర్ను నిర్మూలించే.. ఒమెగా-త్రీ ఆమ్లాలు అవిసె గింజల్లో ఉంటాయి.
- అవిసె గింజల్లోని పీచు జీర్ణక్రియల వేగాన్ని పెంచుతుంది. వీటిని క్రమం తప్పకుండా ఆహారంలో భాగం చేసుకుంటే ఇమ్యూనిటీ పవర్ పెరుగుతుంది.
- కండరాలు ఆరోగ్యంగా ఉండాలన్నా, నొప్పులు ఉండకూడదన్న, చురుగ్గా పనిచేయాలన్నా.. తగినంత ప్రొటీన్ అందాలి. ఎక్కువ మోతాదులో ప్రొటీన్ అందే ఆహారంలో అవిసెగింజలు కూడా ఒకటి.
- అవిసె గింజలు కొంచెం తిన్నా కడుపు నిండుతుంది. బరువూ అదుపులో ఉంటుంది.
- అవిసె గింజలు మెటబాలిజాన్ని మెరుగుపరుస్తాయి.
- అవిసె గింజలు రక్తపోటును తగ్గిస్తాయి. చర్మానికి మేలు చేస్తాయి.
- చేపలు తినని వారు వీటిని తీసుకుంటే.. ఒమేగా 3 ఫ్యాటీ ఆమ్లాలు పుష్కలంగా అందుతాయి. ఇవి మన గుండెకు మేలు చేసే మంచి కొవ్వులు.
- అవిసె గింజల్లో మనకు అవసరమైన కార్బోహైడ్రేట్లు, ప్రొటీన్లు, ఫైబర్, విటమిన్ బి1, బి6, క్యాల్షియం, ఐరన్, పొటాషియం, మెగ్నీషియం, ఒమెగా 3 ఫ్యాటీ ఆమ్లాలు దొరుకుతాయి
- రోజుకు రెండు చెంచాల అవిసె గింజలు తీసుకుంటే ప్రీ, పోస్ట్ మెనోపాజల్ దశలో వచ్చే ఇబ్బందులకు చెక్ పెట్టొచ్చు.
- చాలామంది మహిళల్లో ఒమెగా 3 ఫ్యాటీ ఆమ్లాల లోపం వల్ల శరీరభాగాల్లో నీరు రావడం, వాపులు, నొప్పి వంటివి ఎక్కువగా ఉంటాయి.
- అవిసెగింజలు హార్మోన్లను సమతులం చేస్తాయి. ఒమేగా-3 యాసిడ్లు కొలెస్ట్రాల్ స్థాయుల్ని నియంత్రిస్తాయి.
అయితే అలర్జీలు, థైరాయిడ్… గ్యాస్ సమస్యలున్నవారు, గర్భిణులు, బాలింతలు అవిసె గింజలకు దూరంగా ఉండటమే మంచిదని వైద్య నిపుణులు చెబుతున్నారు. వీటిల్లోని సైనోజెన్ అని రసాయనం థైరాయిడ్ సమస్యని మరింత తీవ్రం చేస్తుంది.
నోట్: పైన తెలిపిన విషయాలు కేవలం ప్రాథమిక సమాచారం మేరకు మాత్రమే. ఆరోగ్యానికి సంబంధించి వైద్యుల సూచనలు పాటించడమే ఉత్తమం.
మరిన్ని లైఫ్ స్టైల్ న్యూస్ కోసం క్లిక్ చేయండి..