Virata Parvam: వెన్నెల పాత్రకు ఆమె జీవితమే ప్రేరణ.. సరళ కుటుంబాన్ని కలిసిన విరాటపర్వం చిత్రయూనిట్..

Sai Pallvi

డైరక్టర్ వేణు ఉడుగుల తెరకెక్కించిన లేటేస్ట్ చిత్రం విరాటపర్వం (Virata Parvam) జూన్ 17న థియేటర్లలో విడుదల కానుంది. సహజ నటి సాయి పల్లవి, రానా దగ్గుబాటి జంటగా నటించిన ఈ చిత్రాన్ని సురేశ్ ప్రొడక్షన్స్, ఎస్ఎల్వీ సినిమాస్ బ్యానర్లు సంయుక్తంగా నిర్మిస్తున్నాయి. ఇందులో ప్రియమణి, హీరో నవీన్ చంద్ర కీలకపాత్రలలో నటిస్తున్న సంగతి తెలిసిందే. ఇప్పటికే విడుదలైన ట్రైలర్, సాంగ్స్ కు ప్రేక్షకుల నుంచి అద్భుతమైన రెస్పాన్స్ వచ్చింది. 1990లో జరిగిన యదార్థ సంఘటనల ఆధారంగా తెరకెక్కించిన ఈ మూవీలో నక్సలైట్ రవన్న పాత్రలో రానా నటించగా.. వెన్నెల పాత్రలో సాయి పల్లవి నటించింది.

అయితే.. 1992లో జరిగిన ఓ మరణం తనను తీవ్రంగా కదిలించింది.. ఓ సంక్షోభం తనను ఆలోచింపజేసిందని.. ఆ మరణం వెనక రాజకీయం ఉందని.. ఆ సంఘటనను ఎలాగైనా తెరపైకీ తీసుకురావాలనే బలమైన కాంక్ష ఎప్పటి నుంచో తకు ఉండేదని.. విరాటపర్వం సినిమాలో వెన్నెల పాత్రకు స్పూర్తి వరంగల్ కు చెందిన సరళ అనే మహిళ అంటూ ఇటీవల డైరెక్టర్ వేణు ఉడుగుల చెప్పిన సంగతి తెలిసిందే.

తాజాగా సరళ కుటుంబాన్ని విరాటపర్వం చిత్రయూనిట్ కలిసింది. సాయి పల్లవి, రానా దగ్గుబాటి, డైరెక్టర్ వేణు ఉడుగులతోపాటు విరాటపర్వం చిత్రయూనిట్ సభ్యులు సరళ కుటుంబసభ్యులను కలుసుకున్నారు. వారితో అప్యాయంగా మాట్లాడి.. అనంతరం ఫోటోలు తీసుకున్నారు. ఈ చిత్రానికి సురేష్ బొబ్బిలి సంగీతం అందించారు. ఈ సినిమాలో వెన్నెలది మాములు పాత్ర కాదని.. ఆమెది మాములు ప్రేమ కాదని.. శివుణ్ణి ప్రేమించిన ఒక సిద్దేశ్వరి, మల్లికార్జున స్వామిని ప్రేమించిన ఒక భ్రమరాంబ, అక్క మాహదేవి, కవయిత్రి మొల్ల ఇలాంటి ఇతిహాస గుణం వున్న పాత్ర వెన్నెల అని.. అందమైన ప్రేమకథను విరాటపర్వం సినిమాలో చూపించబోతున్నట్లుగా ఇటీవల డైరెక్టర్ వేణు ఉడుగుల తెలిపారు.

మరిన్ని ఎంటర్టైన్మెంట్ వార్తల కోసం ఇక్కడ క్లిక్ చేయండి.