Pushpa 2: పుష్ప 2 సినిమాను వీక్షించిన వేణు స్వామి.. రాబోయే 15 ఏళ్లలో అల్లు అర్జున్ జాతకం ఇదేనట!

Venuswamy, Pushpa 2 Movie

అల్లు అర్జున్ నటించిన పుష్ప 2 బ్లాక్ బస్టర్ టాక్ తో దూసుకెళ్లిపోతోంది. డిసెంబర్ 05న విడుదలైన ఈ మూవీ మొదటి రోజే ఏకంగా రూ.295 కోట్లకు పైగా వసూళ్లు రాబట్టింది. తద్వారా భారతీయ సినిమా చరిత్రలో మొదటి రోజు అత్యధిక కలెక్షన్లు రాబట్టిన మూవీగా పుష్ప 2 రికార్డుల కెక్కింది. సినీ అభిమానులు, సామాన్య ప్రేక్షకులతో పాటు పలువురు సినీ, రాజకీయ ప్రముఖులు పుష్ప 2 సినిమాను వీక్షిస్తున్నారు. అనంతరం తమ అభిప్రాయాలను సోషల్ మీడియాలో పంచుకుంటున్నారు. తాజాగా ప్రముఖ ఆస్ట్రాలజర్ వేణు స్వామి పుష్ప సినిమాను వీక్షించారు. అనంతరం సోషల్ మీడియా ద్వారా సినిమాపై తన అభిప్రాయాలను ఒక వీడియో రూపంలో పంచుకున్నారు. ‘ఇప్పుడే పుష్ప 2 సినిమా చూసి వచ్చాను. రాజమాతంగి గెటప్‌లో బ్లూ కలర్ చీరలో జాతర సీన్స్ లో అల్లు అర్జున్‌ ఇరగదీశారు. ఆయన అసలైన సూపర్‌స్టార్‌’ అని ప్రశంసలు కురిపించారు వేణు స్వామి. ఈ సందర్భంగానేగతంలో పలు చానెళ్లకు అల్లు అర్జున్‌ గురించి తాను చేసిన వ్యాఖ్యలను ఈ వీడియోలో చూపించారు. నిజమైన పాన్ ఇండియా స్టార్ అల్లు అర్జున్. ఆయన సినిమాలు వందల కోట్లు వసూళ్లు చేస్తాయి. మరో 15 ఏళ్లు ఆయనకు ఇండస్ట్రీలో తిరుగులేదు. బన్నీతో సినిమా తీస్తే నిర్మాతలు ఎవరూ కూడా నష్టపోరు’ అంటూ ఈ వీడియోలో చెప్పుకొచ్చారు వేణు స్వామి.

కాగా గతంలోనే పుష్ప-2 సినిమా మంచి విజయం సాధిస్తుందని చెప్పిన వేణు స్వామి, ఇప్పుడు మళ్లీ పుష్ప-2 సినిమా గురించి ఆసక్తికర కామెంట్లు చేశారు. దీంతో ఇందుకు సంబంధించిన వీడియో ప్రస్తుతం సామాజిక మాధ్యమాల్లో వైరల్ గా మారింది. దీనిని చూసిన బన్నీ అభిమానులు వేణు స్వామిని తెగ మెచ్చుకుంటున్నారు.

వేణు స్వామి రిలీజ్ చేసిన వీడియో..

ఇక పుష్ప 2 సినిమా విషయానికి వస్తే.. సుకుమార్ దర్శకత్వం వహించారు. మైత్రీ మూవీ మేకర్స్ సుమారు రూ. 500 కోట్ల బడ్జెట్ తో అత్యంత ప్రతిష్ఠాత్మకంగా ఈ సినిమాను నిర్మించారు. రష్మిక మందన్నా హీరోయిన్ గా నటించింది. ఫాహద్ ఫాజిల్, అనసూయ, సునీల్, జగపతిబాబు, రావు రమేష్, జగదీష్ తదితరులు ప్రధాన పాత్రలు పోషించారు. శ్రీలీల ఓ ప్రత్యేక పాత్రలో సందడి చేసింది.

.మరిన్ని సినిమా వార్తల కోసం ఇక్కడ క్లిక్ చేయండి.