Tarakaratna: అల్లంత దూరాలకు ఈ తార… తాతగారి పేరు కలిసొచ్చేలా బిడ్డలకు పేర్లు

Tarakaratna with His Kids

తెలుగు తెరపై మరో తార నేలరాలింది. నందమూరి తారకరత్న గుండెపోటుతో కన్నుమూసారు. గత నెల ఈ నెల 27న కుప్పంలో నారా లోకేశ్‌ చేపట్టిన యువగళం పాదయాత్రలో పాల్గొన్న తారకరత్న గుండెపోటుకు గురయ్యారు. బెంగళూరు నారాయణ హృదయాలయంలో 23 రోజుల పాటు చికిత్స పొందుతూ శనివారం రాత్రి తుదిశ్వాస విడిచారు. ఈ ఘటనతో నందమూరి కుటుంబం అంతులేని విషాదంలో మునిగింది. తండ్రి మృతదేహం దగ్గర తారకరత్న కూతురు వెక్కివెక్కి ఏడ్చింది. అటు ఇండస్ట్రీలోని ప్రముఖులతో పాటు టీడీపీ నేతలు, కార్యకర్తలు తారకరత్న మృతిపై తీవ్ర దిగ్భ్రాంతి వ్యక్తం చేస్తున్నారు.

సౌమ్యుడిగా పేరు తెచ్చుకున్నాడు తారకరత్న. సినిమాల్లో సక్సెస్ అయ్యేందుకు చివరి వరకు తనవంతు ప్రయత్నం చేస్తూనే వచ్చారు.  ఒక్క లవ్ మ్యారేజ్ చేసుకున్నారని తప్ప.. ఎలాంటి వివాదాలు అతడి పేరు లేదు. ఏవైనా టీడీపీ పొలిటికల్ ఈవెంట్స్‌కి వెళ్లినప్పుడు సైతం ఆయన వేరేవారిని టార్గెట్ చేస్తూ ప్రసంగాలు చేసేవారు కాదు. కేవలం తన పార్టీ, తాతగారు, బాబాయ్ గొప్పదనం గురించి మాత్రమే చెప్పేవారు. కుటుంబం అంటే తారకరత్నకు ఎంతో ప్రేమ. తాత నందమూరి తారక రామారావు అంటే అమితమైన భక్తి, గౌరవం. అందుకు తన పిల్లలకు తాత పేరు కలిసేలా పేర్లు పెట్టారు. తారకరత్న-అలేఖ్య రెడ్డి దంపతులకు ముగ్గురు పిల్లలు.

మొదట కుమార్తె పుట్టగా నిష్క అని నామకరణం చేశారు. ఆ తర్వాత కవలలు(ఒక పాప, బాబు) పుట్టారు. వీరికి తాన్యారామ్‌, రేయా అని పేర్లు పెట్టారు. వీరి పేర్లలోని మొదటి ఇంగ్లీష్ అక్షరాలు NTR (Nishka, Tanayram, Reya) వచ్చే విధంగా ప్లాన్ చేశారు తారకరత్న దంపతులు. తాతగారిపై ఉన్న అభిమానంతో ఆయన ఇలా పేర్లు పెట్టారని తారకరత్న ఫ్రెండ్స్ చెబుతున్నారు.

మరిన్ని సినిమా వార్తల కోసం క్లిక్‌ చేయండి.