మహిళల భద్రతపై రంగంలోకి దిగిన నడిగర్‌ సంఘం.. దైర్యంగా ముందుకు రండి అంటూ..

మలయాళ చిత్రసీమలో ఎదురవుతున్న లైంగిక వేధింపులు బయటపెట్టిన హేమ కమిటీ నివేదిక తర్వాత తమిళ సినీ పరిశ్రమలో లైంగిక వేధింపుల ఫిర్యాదులపై తమిళ సినీ సంస్థ నడిగర్‌ సంఘం విచారణ చేపట్టనుంది. ఇందుకోసం అంతర్గత ఫిర్యాదుల పరిష్కార సెల్‌ను ఏర్పాటు చేసి లైంగిక వేధింపుల ఫిర్యాదులపై కఠిన చర్యలు తీసుకుంటామని నడికర్ సంఘం తెలిపింది. లైంగిక వేధింపులకు పాల్పడినట్లు రుజువైతే, నేరస్థులపై ఐదేళ్లపాటు నిషేధం విధిస్తారు. మలయాళ సినిమాకు సంబంధించి హేమా కమిటీ నివేదిక వెలువడిన నేపథ్యంలో తమిళ చిత్రసీమలో మహిళల భద్రతపై చర్చించేందుకు జరిగిన సమావేశంలో ఈ నిర్ణయం తీసుకున్నారు.

లైంగిక వేధింపుల ఎదుర్కొన్న వారికి అన్ని రకాల న్యాయ సహాయం అందేలా చూస్తామని నడిగర్‌ సంఘం పేర్కొంది. దీని ద్వారా ఫిర్యాదులను తెలియజేయవచ్చు. ఫిర్యాదులు సైబర్ పోలీసులకు పంపుతారు. అదే సమయంలో, సినీ పరిశ్రమలో లైంగిక వేధింపుల ఫిర్యాదులను మహిళా ఫిల్మ్ మేకర్స్ మీడియాకు చెప్పకూడదని నడిగర్‌ సంఘం ఆదేశించింది. ఫిర్యాదు ఉంటే ముందుగా ఐసీసీకి తెలియజేయాలని ఆ సంస్థ పేర్కొంది. టిమ్స్ సుహాసిని, ఖుష్బు, రోహిణి తదితరులు హాజరైన సమావేశంలో సర్క్యులర్‌ను సిద్ధం చేశారు.

చెన్నైలో బుధవారం ఉదయం 11 గంటలకు నడిగర్‌ సంఘం సమావేశం జరిగింది. నటులు నాసర్ (అధ్యక్షుడు), విశాల్ (కార్యదర్శి), కార్తీ (కోశాధికారి) ఈ సమావేశంలో పాల్గొన్నారు. కాగా, హేమ కమిటీ నివేదిక వెలువడిన తర్వాత దర్శకుడు రంజిత్‌పై ఫిర్యాదు అందింది. దీని తర్వాత రంజిత్ ముందస్తు బెయిల్ పిటిషన్‌ను హైకోర్టు కొట్టివేసింది. బెంగాలీ నటి దాఖలు చేసిన కేసులో బెయిల్ పిటిషన్‌ను హైకోర్టు కొట్టివేసింది. రంజిత్‌పై ఆరోపణలు రావడంతో ఈ నిర్ణయం తీసుకున్నారు నడిగర్‌ సంఘం నాయకులు.

మరిన్ని సినిమా వార్తల కోసం ఇక్కడ క్లిక్ చేయండి