‘ప్రేమించుకుందాం రా’ సినిమాపై నిర్మాత సురేశ్ బాబు పశ్చాత్తాపం.. భార్య అడిగిన ఆ ఒక్క ప్రశ్నతో..
టాలీవుడ్లో బడా నిర్మాతగా, వైవిధ్యభరితమైన సినిమాల డిస్ట్రిబ్యూటర్గా విజయవంతంగా రాణిస్తున్న సురేష్ బాబు గురించి ప్రత్యేకంగా చెప్పాల్సిన అవసరం లేదు. వృత్తి జీవితంలో ఆయన ఎంత నిబద్ధతతో ఉంటారో అందరికీ తెలుసు. అయితే, ఆయన వ్యక్తిగత జీవితం, తన కుటుంబంతో ఉన్న అనుబంధం గురించి ..
టాలీవుడ్లో బడా నిర్మాతగా, వైవిధ్యభరితమైన సినిమాల డిస్ట్రిబ్యూటర్గా విజయవంతంగా రాణిస్తున్న సురేష్ బాబు గురించి ప్రత్యేకంగా చెప్పాల్సిన అవసరం లేదు. వృత్తి జీవితంలో ఆయన ఎంత నిబద్ధతతో ఉంటారో అందరికీ తెలుసు. అయితే, ఆయన వ్యక్తిగత జీవితం, తన కుటుంబంతో ఉన్న అనుబంధం గురించి కొన్నిసార్లు వచ్చే సరదా సంఘటనలు ప్రేక్షకులను నవ్విస్తాయి. తాజాగా, ఆయన తన కెరీర్లో అత్యంత విజయవంతమైన చిత్రాలలో ఒకటైన ‘ప్రేమించుకుందాం రా’ సినిమా గురించి ఆయన భార్య వేసిన ఒక ప్రశ్న ఇప్పుడు చర్చనీయాంశంగా మారింది.
ఏం అడిగారంటే..
‘ప్రేమించుకుందాం రా’ విడుదలైనప్పుడు ఇండస్ట్రీలో సంచలనం సృష్టించింది. ముఖ్యంగా అప్పటి యువతను ఆకట్టుకున్న ఈ సినిమా, ప్రేమ, యాక్షన్ కలగలిపి కుటుంబ ప్రేక్షకులకు కూడా చేరువైంది. ప్రేమలో ఎదురయ్యే సవాళ్లను ధైర్యంగా ఎదుర్కొనే కథాంశంతో ఈ సినిమా అద్భుత విజయం సాధించింది. ఈ సినిమా విజయం అటు హీరోగా వెంకటేష్, నిర్మాతగా సురేష్ బాబు కెరీర్కు మైలురాయిగా నిలిచింది. అయితే, ఇటీవల సురేష్ బాబు ఓ సంఘటనను పంచుకున్నారు. ఈ సినిమాలోని రొమాంటిక్ ట్రాక్స్, ప్రేమ సన్నివేశాలను చూసిన ఆయన భార్య, ఆయనను ఒక ప్రశ్న అడిగారట!
Preminchukundam Raa Poster
సురేష్ బాబు భార్య ఆ సినిమాలో అబ్బాయి అమ్మాయిని తీసుకుని వెళ్లడం సరైనదేనా అని అడిగారట. ‘మీరు ఇలాంటి సినిమాలు తీయడం వల్ల సమాజానికి ఏం చెబుతున్నారు? ఒక అబ్బాయి, అమ్మాయిని బలవంతంగా తీసుకుని వెళ్లడం సరైనదేనా? ఇలాంటి కథలతో యువతరం ఏం నేర్చుకుంటుంది?’ అని నిలదీశారట. నిర్మాత సురేష్ బాబు ఈ ప్రశ్నను ఎంతో పరిణతితో స్వీకరించారు.
సినిమాలను కేవలం వ్యాపార, వినోదం కోణంలో మాత్రమే చూసే ఆయనకు, తన భార్య అడిగిన ఈ సందేశ కోణం ప్రశ్న నిజంగా ఆశ్చర్యాన్ని కలిగించిందట. అప్పటి నుంచి ఆయన తీసే సినిమాల్లో సందేశం లేకపోయినా ఫర్వాలేదు కానీ, యువత, సమాజాన్ని తప్పుదోవ పట్టించే అంశాలు లేకుండా ఉండేలా జాగ్రత్త పడుతున్నారట.