సోషల్ మీడియాలోకి శింబు గ్రాండ్ రీ-ఎంట్రీ!

తమిళ స్టార్ హీరో శింబు సామాజిక మాధ్యమాలలోకి గ్రాండ్‌గా రీ ఎంట్రీ ఇచ్చారు. ట్విటర్, ఫేస్‌బుక్ నుంచి 2017లో శింబు గుడ్ బైై చెప్పాడు. నెగిటివిటీ పెరిగిపోతోందనే కారణంతో అప్పట్లో సామాజిక  మాధ్యమాలకు దూరమయ్యాడు. మళ్లీ ఇన్నాళ్లకు పున: ప్రవేశం చేశాడు. ఫేస్‌బుక్, ట్విటర్, ఇన్‌స్టాగ్రామ్ అకౌంట్లను తిరిగి షురూ చేశారు. గత కొన్ని నెలలుగా చేసిన వర్కవుట్లకు సంబంధించిన వీడియోను సోషల్ మీడియాలో  షేర్ చేశాడు. ఈ వీడియో అతడి అభిమానులను ఆకట్టుకుంటోంది. తమిళనాడు యూత్‌లో శింబు అంటే మంచి క్రేజ్ ఉంది. తమ అభిమాన హీరో సోషల్ మీడియాలోకి రీ-ఎంట్రీ ఇవ్వడంతో వారంతా మంచి జోష్‌లో ఉన్నారు.

ఇక శింబు-త్రిషల పెళ్లి వార్త ఇప్పుడు తమిళనాట చర్చనీయాంశంగా మారింది. ఈ విషయాన్ని వారిద్దరూ ఖండించడం లేదు. దీంతో వీరు దాంపత్య జీవితంలోకి అడుగుపెట్టబోతున్నారన్న వార్తలకు బలం చేకూరుతుంది.