Aadavallu Meeku Johaarlu : ఈ యంగ్ హీరో ఆశలన్నీ ఆడవాళ్లు మీకు జోహార్లు పైనే.. ట్రైలర్ రిలీజ్ ఎప్పుడంటే

యంగ్ అండ్ హ్యాపెనింగ్ హీరో శర్వానంద్ నటిస్తోన్న ఔట్ అండ్ ఔట్‌ ఫ్యామిలీ ఎంటర్టైనర్ `ఆడవాళ్లు మీకు జోహార్లు`. కెరీర్ బిగినింగ్ నుంచి విభిన్నమైన కథలను ఎంచుకుంటూ సినిమాలు చేస్తున్నాడు శర్వానంద్.

Sharwanand

Rajeev Rayala |

Updated on: Feb 17, 2022 | 5:54 PM

Aadavallu Meeku Johaarlu : యంగ్ అండ్ హ్యాపెనింగ్ హీరో శర్వానంద్ నటిస్తోన్న ఔట్ అండ్ ఔట్‌ ఫ్యామిలీ ఎంటర్టైనర్ `ఆడవాళ్లు మీకు జోహార్లు`. కెరీర్ బిగినింగ్ నుంచి విభిన్నమైన కథలను ఎంచుకుంటూ సినిమాలు చేస్తున్నాడు శర్వానంద్. అయితే ఇటీవల కాలంలో శర్వా నటించిన సినిమాలు ఆశించిన స్థాయిలో విజయాలను అందుకోలేకపోయాయి. ఇక ఇప్పుడు ఈ కుర్ర హీరో ఆశలన్నీ ఆడవాళ్లు మీకు జోహార్లు సినిమా పైనే ఉన్నాయి. ఈ మూవీలో ర‌ష్మిక మంద‌న్న హీరోయిన్‌. ఇప్ప‌టి వ‌ర‌కు ఈ మూవీ నుండి రిలీజ్ చేసిన ప్ర‌తి ప్ర‌మోష‌న‌ల్ కంటెంట్‌కు విశేష స్పంద‌న‌ ల‌భించింది. రాక్‌స్టార్ దేవి శ్రీ ప్రసాద్ సంగీతం కూడా సినిమా బజ్‌ను మ‌రింత‌ పెంచడానికి సహాయపడుతోంది. ఇప్ప‌టికే విడుద‌ల చేసిన సినిమా టైటిల్‌ ట్రాక్ , అలాగే వేలంటైన్స్ డే కానుక‌గా రిలీజ్ చేసిన ఓ ఆధ్య పాట‌కు అద్భుతమైన స్పందన వచ్చింది.

ఇప్ప‌టికే రిలీజ్ చేసిన టీజ‌ర్ ట్రెమండ‌స్ రెస్పాన్స్ ద‌క్కించుకోగా ఈ మూవీ ట్రైల‌ర్‌ను ఫిబ్ర‌వ‌రి 19న విడుద‌ల‌చేయ‌నున్నారు. ఈ సంద‌ర్భంగా రిలీజ్ చేసిన పోస్ట‌ర్లో శ‌ర్వా త‌న ఫ్యామిలీతో ఎంత ఆప్యాయంగా ఉంటారో చూపించారు. ఈ పోస్ట‌ర్ సినిమాపై పాజిటివ్ వైబ్స్ క్రియేట్ చేస్తోంది. శ్రీ లక్ష్మీ వెంకటేశ్వర సినిమాస్ బ్యానర్ మంచి అభిరుచిగల నిర్మాతగా పేరు తెచ్చుకున్న సుధాకర్ చెరుకూరి ఈ ఫీల్ గుడ్ ఎంటర్ టైనర్‌ను నిర్మిస్తున్నారు. కుష్బూ, రాధిక శరత్ కుమార్, ఊర్వశీ వంటి సీనియ‌ర్ యాక్ట‌ర్స్‌ క‌లిసి న‌టిస్తుండ‌డం ఈ సినిమాలో మ‌రో విశేషం. ఈ చిత్రం ఫిబ్రవరి 25న ప్ర‌పంచ‌వ్యాప్తంగా విడుద‌ల కానుంది. అయితే ఈ సినిమా రిలీజ్ సమయంలోనే పవర్ స్టార్ పవన్ కళ్యాణ్ నటించిన భీమ్లానాయక్ సినిమా కూడా రిలీజ్ అవుతుండటంతో ఈ సినిమా వాయిదా పడుతుందని టాక్ వినిపించింది. కానీ అనుకున్న సమయానికే సినిమాను రిలీజ్ చేస్తామని మేకర్స్ స్పష్టం చేశారు.

Entertainment ki johaarlu kottadaniki ready na mari? ?#AadavalluMeekuJohaarlu Trailer on FEB 19 ❤️#AMJOnFEB25 @iamRashmika @DirKishoreOffl @ThisIsDSP @sujithsarang @SLVCinemasOffl @LahariMusic @TSeries pic.twitter.com/PI8K9OnaHF

— Sharwanand (@ImSharwanand) February 17, 2022