Dunki Movie : దారుణంగా పడిపోయిన షారుఖ్ ఖాన్ డంకీ కలెక్షన్స్.. రెండు రోజులకు ఎంత వసూల్ చేసిందంటే

Dunki

బాలీవుడ్ స్టార్ హీరో కింగ్ ఖాన్ షారుఖ్ ఖాన్ ‘పఠాన్’, ‘జవాన్’ సినిమాల్లో అద్భుతంగా నటించాడు. ఈ రెండు సినిమాలు మాస్ యాక్షన్ ఎంటర్టైనర్ గా తెరకెక్కింది.  కానీ ‘డంకీ’ సినిమాలో షారుఖ్ క్లాస్‌గా కనిపించాడు. ఈ సినిమాలో ఫైట్లు లేవు. దీంతో సినిమా వసూళ్లు స్లోగా సాగుతున్నాయి. షారుక్ ఖాన్ భార్య గౌరీ ఖాన్, రాజ్‌కుమార్ హిరానీ కలిసి ఈ చిత్రాన్ని నిర్మించారు. షారుఖ్ ఖాన్ మాస్ అవతార్ వదిలి ‘డంకీ’ సినిమాలో క్లాస్‌గా కనిపించాడు. ఈ సినిమాపై ప్రేక్షకులు రకరకాలుగా స్పందిస్తున్నారు. ఈ సినిమా బాక్సాఫీస్ వద్ద ఓ మోస్తరు ప్రదర్శన కనబరుస్తోంది. రాజ్‌కుమార్ హిరానీ దర్శకత్వం వహించిన ఈ చిత్రం రెండవ రోజు అంటే డిసెంబర్ 22 కేవలం 20 కోట్లు మాత్రమే వసూలు చేసింది. దీంతో ఈ సినిమా రెండు రోజుల్లో 50 కోట్ల రూపాయల వసూళ్లు రాబట్టింది. ఈ సినిమా రూ.300 కోట్ల క్లబ్‌లో చేరడం అనుమానంగానే కనిపిస్తుంది.

‘డంకీ’ సినిమా తొలిరోజు 30 కోట్ల రూపాయల వసూళ్లు రాబట్టింది. రెండో రోజు రూ.19.20 కోట్లు వసూలు చేసింది. దీంతో ఈ సినిమా దాదాపు 50 కోట్ల రూపాయల వసూళ్లు సాధించింది. ఫారిన్ బాక్సాఫీస్ వద్ద కూడా ఈ సినిమా ఓ మోస్తరు హిట్‌గా నిలిచింది. వీకెండ్‌లో సినిమా ఎలా వసూళ్లు సాధిస్తుందనే ఆసక్తి నెలకొంది.

శని, ఆది, సోమవారాలు క్రిస్మస్ సెలవులుకావడంతో  సినిమాకు ముఖ్యమైనవి. ఈ రోజుల్లో సినిమాలు మంచి వసూళ్లు సాధించాలి. పఠాన్, జవాన్ సినిమాలు రెండు వెయ్యి కోట్లు వసూల్ చేశాయి. బాలీవుడ్ బాక్సాఫీస్ దగ్గర పర్లేదు అనిపించుకున్నా.. మిగిలిన ఏరియాల్లో మాత్రం డంకీ సినిమాకు ఆశించిన స్థాయిలో వసూళ్లు రాలేదు.  ఈ చిత్రానికి ప్రభాస్ నటించిన ‘సలార్’ నుండి గట్టి పోటీ ఇస్తుంది. సలార్ సినిమా తొలి రోజే ఏకంగా 170కోట్ల వరకు వసూల్ చేసింది.

షారుఖ్ ఖాన్ ఇన్ స్టా గ్రామ్ లేటెస్ట్ పోస్ట్..

షారుఖ్ ఖాన్ ఇన్ స్టా గ్రామ్ లేటెస్ట్ పోస్ట్..

మరిన్ని సినిమా వార్తల కోసం ఇక్కడ క్లిక్ చేయండి.