K.G.F Chapter 2: రిలీజ్‌కు రెడీ అయిన కేజీఎఫ్‌2…రాకీ భాయ్‌కి అక్కడ అరుదైన గౌరవం.. ఏకంగా

ప్రస్తుతం సినీ లావర్స్ అంతా ఎంతో ఆసక్తిగా ఎదురుచూస్తున్న సినిమా కేజీఎఫ్ 2(K.G.F Chapter 2). కన్నడ రాకింగ్ స్టార్ యశ్(Yash) హీరోగా నటిస్తున్న ఈ సినిమా పై భారీ అంచనాలు ఉన్నాయి. ప్రశాంత్ నీల్ దర్శకత్వంలో తెరకెక్కిన కేజీఎఫ్ పార్ట్ 1 ఎంతటి ఘన విజయాన్ని సొంతం చేసుకుందో ప్రత్యేకంగా చెప్పాల్సిన అవసరం లేదు. హైఓల్టేజ్ యాక్షన్ ఎంటటైనర్ గా తెరకెక్కిన ఈ సినిమా తో ఒక్కసారిగా పాన్ ఇండియా స్టార్ అయిపోయాడు హీరో యశ్. ముఖ్యంగా తెలుగు ప్రేక్షకులకు యశ్ చాలా దగ్గరయ్యాడు. ఇక ఇప్పుడు కేజేఎఫ్ పార్ట్ 2 కోసం దేశవ్యాప్తంగా ఉన్న కేజీఎఫ్ ఫ్యాన్స్ ఆసక్తిగా ఎదురుచూస్తున్నారు. రేపు ( 14న ) ఈ సినిమా ప్రపంచవ్యాప్తగా గ్రాండ్ గా విడుదల కానుంది. ఇప్పటికే ఈ సినిమా నుంచి విడుదలైన పోస్టర్స్, టీజర్, ట్రైలర్‏కు మంచి రెస్పాన్స్ వచ్చింది. ముఖ్యంగా ఇటీవల విడుదలైన ఈ మూవీ ట్రైలర్‏లోని డైలాగ్స్ ప్రేక్షకులను ఆకట్టుకున్నాయి. ఇప్పుడు సోషల్ మీడియాలో హీరో యశ్ చెప్పిన డైలాగ్స్ తెగ ట్రెండ్ అవుతున్నాయి. తాజాగా ఈ సినిమానుంచి మరో పాటను రిలీజ్ చేశారు మేకర్స్.

ఈ సినిమానుంచి ధీర ధీర సుల్తానా.. పాటను రిలీజ్ చేశారు చిత్రయూనిట్. ఫుల్ ఎనర్జిటిక్ గా ఈ పాట సాగింది. యశ్ హీరోయిజాన్ని తెలుపుతూ సాగే ఈ పాట ఆకట్టుకుంటుంది. రామజోగయ్య శాస్త్రి రాసిన ఈ పాట విశేషంగా ఆకట్టుకుంటుంది. ఇదిలా ఉంటే ముంబై లో కేజీఎఫ్ 2 సినిమాకు అరుదైన గౌరవం దక్కింది. అదేంటంటే ముంబైలో హీరో యశ్ 100 అడుగుల కటౌట్ ను ఏర్పాటు చేశారు అభిమానులు. ఇక ఈ సినిమా కోసం కేవలం మనదేశంలోని ప్రేక్షకులే కాదు.. విదేశాల్లోని అభిమానులు సైతం ఆసక్తిగా ఎదురుచూస్తున్నారు. ఇప్పటికే ఈ సినిమాకు భారీ బిజినెస్ జరిగింది.దాంతో కేజీఎఫ్ సినిమా వసూళ్ళలో సరికొత్త రికార్డ్స్ క్రియేట్ చేయడం కన్ఫామ్ గా కనిపిస్తుంది.