Ramarao on Duty: మాస్ రాజా సినిమాను వదలని లీక్ రాయుళ్లు.. ‘రామారావు ఆన్ డ్యూటీ’ నుంచి వీడియో..
టాలీవుడ్ ను వదలని లీకుల బెడద.. ఎన్ని జాగ్రత్తలు తీసుకుంటున్నా సినిమా షూటింగ్ నుంచి ఎదో ఒకటి లీక్ అవుతూనే ఉన్నాయి.
టాలీవుడ్ను వదలని లీకుల బెడద.. ఎన్ని జాగ్రత్తలు తీసుకుంటున్నా సినిమా షూటింగ్ నుంచి ఎదో ఒకటి లీక్ అవుతూనే ఉన్నాయి. తాజాగా మాస్ మహారాజ రవితేజ సినిమా నుంచి లీక్ అయిన ఓ వీడియో ఇప్పుడు సోషల్ మీడియాలో చక్కర్లు కొడుతోంది. రవితేజ ప్రస్తుతం రామారావు ఆన్ డ్యూటీ(Ramarao on Duty)అనే సినిమాలో నటిస్తున్నారు. ఈ సినిమాకు నూతన దర్శకుడు శరత్ మండవ దర్శకత్వం వహిస్తున్నారు. రామారావు ఆన్ డ్యూటీ సినిమా త్వరలోనే ప్రేక్షకుల ముందుకు రానుంది. ఇటీవల వరుస ఫ్లాప్లు ఎదురవుతున్న నేపథ్యంలో ఈ సినిమా పై గట్టి ధీమాతో ఉన్నారు మాస్ రాజా. అయితే ఇప్పుడు రవితేజ విలన్స్కు వార్నింగ్ ఇస్తోన్న వీడియో సోషల్ మీడియాలో ప్రత్యక్షం అవ్వడంతో చిత్రయూనిట్ షాక్ కు గురైంది.
20 సెకన్లు ఉన్న ఈ వీడియో సోషల్ మీడియాలో హల్చల్ చేస్తోంది. “అధికారం ఉంది కదా అని.. కొండలు తోడేస్తా.. అడ్డంగా భూములు దోచేద్దాం అనుకుంటే”.. అంటూ రవితేజ వార్నింగ్ ఇస్తున్న డైలాగ్ చూస్తుంటే సినిమాలో కొంచెం పొలిటికల్ టచ్ ఇచ్చినట్టుగా అనిపిస్తోంది. రవితేజ ఈ సినిమాలో విభిన్నమైన రోల్లో కనిపించనున్నారు. ఈ సినిమా ఎప్పుడెప్పుడు రిలీజ్ అవుతుందా అని అభిమానులు ఎదురుచూస్తున్నారు. ఈ క్రమంలో డైలాగ్ లీక్ కావడం టాక్ ఆఫ్ ది రీల్.