Rashmika Mandanna: ఐశ్వర్య రాజేష్‏ వ్యాఖ్యలపై రష్మిక మందన్నా రియాక్షన్.. శ్రీవల్లి ట్వీట్ వైరల్..

Rashmika, Aishwarya

ఇటీవల ఫర్హానా మూవీ ప్రమోషన్లలో భాగంగా ఐశ్వర్య రాజేష్ చేసిన కామెంట్స్ ఫిల్మ్ సర్కిల్లో తీవ్ర దుమారం రేపిన సంగతి తెలిసిందే. డైరెక్టర్ సుకుమార్, అల్లు అర్జున్ కాంబోలో వచ్చిన పుష్ప చిత్రంలోని రష్మిక చేసిన శ్రీవల్లి పాత్ర గురించి ఐశ్వర్య ఇంట్రెస్టింగ్ కామెంట్స్ చేసింది. ఆ పాత్రకు తనకు సరిగ్గా సెట్ అవుతుందంటూ చేసిన వ్యాఖ్యలు నెట్టింట తెగ వైరల్ కావడంతో వాటికి వివరణ ఇచ్చింది. తన మాటలను తప్పుగా అర్థం చేసుకున్నారని.. శ్రీవల్లి పాత్రలో రష్మిక నటనను తాను కించపరిచలేదని.. ఆమె అద్భుతంగా నటించందని క్లారిటీ ఇస్తూ ఓ నోట్ షేర్ చేసింది. తాజాగా ఐశ్వర్య ట్వీట్ పై రష్మిక స్పందించించింది.

“హాయ్ లవ్.. నీవు ఏం చెప్పావో నేను సరిగ్గానే అర్థం చేసుకున్నాను. మనకు మనం వివరణ ఇచ్చుకోవడానికి ఎలాంటి కారణాలు లేవు. నీవంటే నాకు ప్రేమ, గౌవరం ఉన్నాయనేది నీకు తెలుసు’’ అని రష్మిక పేర్కొంది. ప్రసుతం శ్రీవల్లి చేసిన ట్వీట్ సోషల్ మీడియాలో వైరలవుతుంది.

అసలు విషయానికి వస్తే.. ఇటీవల ఫర్హానా ప్రమోషన్లలో భాగంగా తెలుగు సినిమాల్లో ఎలాంటి పాత్రలు చేయాలని అనుకుంటున్నారని ? అని అడగ్గా.. తనకు పుష్ప చిత్రంలోని శ్రీవల్లి పాత్ర సరిగ్గా సెట్ అవుతుందని అనుకుంటున్నట్లు చెప్పుకొచ్చింది ఐశ్వర్య. ఇక తనకు తెలుగు పరిశ్రమ అంటే చాలా ఇష్టమని.. తనకు నచ్చే పాత్రలు వస్తే తప్పకుండా టాలీవుడ్ ఇండస్ట్రీలో సినిమాలు చేస్తాను అని చెప్పుకోంచింది. అయితే శ్రీవల్లి పాత్రలో రష్మిక నటనను తాను కించపరచలేదని మరోసారి క్లారిటీ ఇచ్చిన సంగతి తెలిసిందే.

మరిన్ని సినిమా వార్తల కోసం ఇక్కడ క్లిక్ చేయండి.