Ramayana Movie: రాముడి పాత్రలో రణ్‌బీర్ లుక్ ఇదేనా? నెట్టింట వైరలవుతోన్న ఫొటోస్

Ranbir Kapoor, Sai Pallavi

బాలీవుడ్ చాక్లెట్ బాయ్ రణబీర్ కపూర్ ఇప్పటికే నటుడిగా తన ప్రతిభను నిరూపించుకున్నాడు. ఎన్నో విభిన్న పాత్రలు పోషించి ఇండస్ట్రీ హిట్లుకొట్టాడు. ఇక గతేడాది విడుదలైన ‘యానిమల్‌’ సినిమాతో తెలుగు ఆడియెన్స్ కు కూడా బాగా చేరువయ్యాడీ హ్యాండ్సమ్ హీరో. ఇప్పుడు రణ్ బీర్ కు మరో పెద్ద అవకాశం వచ్చిందని తెలిసింది. రామాయణం కథ ఆధారంగా నితీష్ తివారీ తెరకెక్కించనున్న సినిమాలో రణబీర్ కపూర్‌కు రాముడి పాత్రను పోషిస్తున్నాడు. ఇటీవలే ఈ క్రేజీ మూవీ సినిమా షూటింగ్ పట్టాలెక్కింది. ఈ సినిమాకు సంబంధించి నటీనటుల లుక్స్ కు సంబంధించి ఇంకా ఎలాంటి అప్ డేట్స్ రాలేదు. అయితే సోషల్ మీడియాలో రామాయణం సినిమాకు సంబంధించి కొన్ని పోస్టర్లు వైరల్ అవుతున్నాయి. ముఖ్యంగా రాముడి పాత్రలో రణబీర్ కపూర్ ఎలా ఉంటున్నాడో చెబుతూ కొన్ని ఆర్టిఫిషియల్ ఇంటెలిజెన్స్ ఫొటోలు సోషల్ మీడియా షేర్ చేస్తున్నారు. ఈ ఫొటోల్లో రణ్ బీర్ కపూర్ రాముడి పాత్రలో ఎంతో అందంగా కనిపిస్తున్నాడు. ఇది అధికారిక పోస్టర్ కాదు. అయితే, అభిమానులకు మాత్రం ఈ పోస్టర్ తెగ నచ్చేసింది.

రామాయణం సినిమా షూటింగ్ ఇటీవలే ముంబైలో ప్రారంభమైంది. ‘రామాయణం’ సినిమా షూటింగ్ సెట్స్ నుండి కైకేయిగా లారా దత్తా, దశరథుడి పాత్రలో అరుణ్ గోవిల్ ఫోటోలు లీక్ అయ్యాయి. దీని తర్వాత చిత్రబృందం మరింత జాగ్రత్త పడాల్సిన అవసరం ఉంది. ఈ సినిమాలో చాలా మంది వెటరన్ ఆర్టిస్టులు నటించనున్నారు. ‘రామాయణం’ నటీనటులు ఇంకా అధికారికంగా ప్రకటించాల్సి ఉంది. అయితే దీనిపై ఇప్పటికే అనేక వార్తలు చక్కర్లు కొడుతున్నాయి. రాముడిగా రణబీర్ కపూర్ నటిస్తుండగా, సీత పాత్రలో సాయి పల్లవి నటిస్తుందని అంటున్నారు. యష్ రావణుడి పాత్రలో నటించనున్నాడని వార్తలు వచ్చాయి. ఆంజనేయుడిగా సన్నీ డియోల్ కనిపించనున్నాడని ప్రచారం జరుగుతోంది. త్వరలోనే చిత్రబృందం నుండి నటీనటుల గురించి అధికారిక సమాచారం వెలువడనుందని సమాచారం.

మరిన్ని సినిమా వార్తల కోసం ఇక్కడ క్లిక్ చేయండి.