Varun Tej- Lavanya Tripathi: వరుణ్ తేజ్ మ్యారేజ్ పార్టీలో మెగా ఫ్యామిలీ కోడళ్ల హంగామా

Varunluv

మెగా ప్రిన్స్ వరుణ్ తేజ్, అందాల భామ లావణ్య త్రిపాఠి వివాహం అంగరంగ వైభవంగా జరిగింది. నవంబర్ 1న ఈ జంట ఇటలీలో మూడు మూళ్ళ బంధంతో ఒక్కటయ్యారు. గతకొంతకాలంగా ప్రేమించుకుంటున్న ఈ జంట.. ఎట్టకేలకు వివాహం చేసుకున్నారు. తమ ప్రేమ ఎక్కడ పుటిందో అక్కడే వీరు పెళ్లి చేసుకున్నారు. వరుణ్, లావణ్య కలిసి మిస్టర్, అంతరిక్షం అనే సినిమాలు చేశారు. శ్రీను వైట్ల దర్శకత్వంలో వచ్చిన మిస్టర్ సినిమా సమయంలో ఈ ఇద్దరు ప్రేమలో పడ్డారు. ఆ మూవీ షూటింగ్ ఇటలీలో జరిగింది. ఇక వీరివివాహానికి సంబంధించిన ఫోటోలు ఇప్పటికే సోషల్ మీడియాలో వైరల్ అయ్యాయి.

వరుణ్ తేజ్, లావణ్య వివాహం లో మెగా హీరోలందరూ సందడి చేశారు. అల్లు అర్జున్ ఆయన సతీమణి పిల్లలు కూడా ఈవేడుకలో స్పెషల్ అట్రాక్షన్ గా నిలిచారు. అలాగే రామ్ చరణ్ ఉపాసన కూతురు క్లిమ్ కారతో కనిపించారు. ఇక వరుణ్ వివాహం పూర్తి కావడంతో మెగా ఫ్యామిలీ ఇటలీ నుంచి తిరిగి వచ్చేస్తున్నారు. వరుణ్ తేజ్ లావణ్య త్రిపాఠీ కూడా హైదరాబాద్ కు చేరుకున్నారు. రేపు(నవంబర్ 5న) హైదరాబాద్ లో వరుణ్, లావణ్య పెళ్లి రిసెప్షన్ జరగనుంది.

తాజాగా ఉపాసన వరుణ్ తేజ్ మ్యారేజ్ పార్టీ ఫోటోలను షేర్ చేశారు. ఉపాసన పంచుకున్న ఫొటోలో లావణ్యను ఉపాసన, అల్లు అర్జున్ సతీమణి స్నేహ రెడ్డి లావణ్యను ముద్దాడుతూ కనిపించారు. ఈ ఫోటోలు ఇప్పుడు వైరల్ గా మారాయి. ఇక మెగాస్టార్ చిరంజీవి కూడా వరుణ్ లావణ్య పెళ్లి ఫోటోను పంచుకున్నారు. ఈ ఫొటోలో మెగా ఫ్యామిలీ హీరోలందరూ కనిపించారు.

చిరంజీవి ట్విట్టర్

లావణ్య త్రిపాఠి ట్విట్టర్