Pawan Kalyan: బాబాయి కోసం రంగంలోకి అబ్బాయి.. జనసేన అధినేత పవన్ కల్యాణ్‌కు మద్దతుగా రామ్ చరణ్

Pawan Kalyan, Ram Charan

జనసేన అధినేత పవన్ కల్యాణ్ కు మద్దతుగా టాలీవుడ్ హీరోలు ఒక్కొక్కరు ముందుకు వస్తున్నారు. మంగళవారం (మే 07) మొదట మెగాస్టార్ చిరంజీవి ఒక వీడియోను రిలీజ్ చేశారు. పిఠాపురంలో పవన్ కల్యాణ్ ను గెలిపించి అసెంబ్లీకి పంపించాలని అందులో కోరారు. ఈ వీడియో ఒక్కసారిగా నెట్టింట వైరల్ గా మారింది. ఆ వెంటనే న్యాచురల్ స్టార్ పవర్ స్టార్ కు సపోర్టుగా ట్వీట్ చేశారు. ఆపై హనుమాన్ హీరో తేజ సజ్జా, రాజ్ తరుణ్ తదితరులు పవన్ కల్యాణ్ కు మద్దతుగా సోషల్ మీడియాలో పోస్టులు షేర్ చేశారు. తాజాగా మెగా పవర్ స్టార్ రామ్ చరణ్ సైతం జనసేన అధినేతకు తన మద్దుతు తెలిపాడు. మెగా స్టార చిరంజీవి వీడియోని షేర్ చేసిన రామ్ చరణ్.. ‘ మీ భవిష్యత్తు కోసం పాటుపడే నాయకుడు పవన్ కళ్యాణ్ గారికి ఓటు వేసి గెలిపించండి’ అని ట్విట్టర్ వేదికగా కోరాడు. ప్రస్తుతం చెర్రీ ట్వీట్ సామాజిక మాధ్యమాల్లో తెగ వైరల్ అవుతోంది. బాబాయ్ కోసం అబ్బాయ్ వచ్చాడంటూ మెగా అభిమానులు, జనసేన పార్టీ అభిమానులు క్రేజీ కామెంట్లు పెడుతున్నారు.

కాగా పిఠాపురంలో పవన్ కల్యాణ్ కు మద్దతుగా పలువురు సినీ తారలు ప్రచారం నిర్వహించారు. ఇప్పటికే వరుణ్ తేజ్, వైష్ణవ్ తేజ్, సాయి ధరమ్ తేజ్ తదితరులు జన సేన తరుపున ప్రచారంలో పాల్గొన్నారు. అలాగే జబర్దస్త్ ఆర్టిస్టులు సుడిగాలి సుధీర్, గెటప్ శీను, రామ్ ప్రసాద్, షకలక శంకర్, మొగలి రేకులు సాగర్, మాజీ క్రికెటర్ అంబటి రాయుడు తదితరులు కూడా ప్రచారం నిర్వహించారు.

 మెగా పవర్ స్టార్ రామ్ చరణ్ ట్వీట్..

రాజ్ తరుణ్ ట్వీట్ ఇదిగో..

మరిన్ని సినిమా వార్తల కోసం ఇక్కడ క్లిక్ చేయండి.