అంచనాలు పెంచేసిన ‘కల్కి’ టీజర్

రాజశేఖర్ ప్రధానపాత్రలో ‘అ!’ దర్శకుడు ప్రశాంత్ వర్మ తెరకెక్కిస్తోన్న చిత్రం ‘కల్కి’. 1983 సమయంలో జరిగిన కొన్ని యదార్థ సంఘటనల ఆధారంగా ఈ చిత్రాన్ని తెరకెక్కించగా.. తాజాగా టీజర్‌ను విడుదల చేసింది చిత్ర యూనిట్. గ్రాండ్ విజువల్స్‌తో వచ్చిన ఈ టీజర్ ఆద్యంతం ఆకట్టుకుంటోంది. టీజర్‌కు బ్యాక్‌గ్రౌండ్‌ మ్యూజిక్ మెయిన్ అస్సెట్‌గా నిలిచింది. సి. కల్యాణ్, రాజశేఖర్ సంయుక్తంగా నిర్మిస్తోన్న ఈ చిత్రంలో అదా శర్మ, నందితా శ్వేత, జయ ప్రకాశ్, రాహుల్ రామకృష్ణ, అశుతోష్ రాణా, సిద్ధు, శత్రు తదితరులు కీలక పాత్రలలో కనిపించనున్నారు. ప్రస్తుతం షూటింగ్ జరుపుకుంటోన్న ఈ చిత్రం ఈ ఏడాది ప్రేక్షకుల ముందుకు రానుంది. గరుడ వేగ వంటి హిట్ తరువాత రాజశేఖర్ నటిస్తోన్న ఈ చిత్రంపై ప్రేక్షకుల్లో మంచి అంచనాలు ఉన్నాయి.