Naga Chaitanya- Sobhita: నాగ చైతన్య- శోభితల పెళ్లి.. కాబోయే దంపతుల మధ్య ఏజ్‌ గ్యాప్ ఎంతో తెలుసా?

Naga Chaitanya, Sobhita Dhulipala

టాలీవుడ్‌ హీరో, హీరోయిన్లు నాగచైతన్య-శోభితా ధూళిపాళ్ల మరికొన్ని గంటల్లో పెళ్లి పీటలెక్కనున్నారు. దివంగత నటులు అక్కినేని నాగేశ్వరరావుకు ఇష్టమైన ప్రదేశం అన్నపూర్ణ స్టూడియోస్ లోనే వీరి వివాహ వేడుకకు ఏర్పాట్లు జరుగుతున్నాయి. బుధవారం ( డిసెంబరు 4)న రాత్రి 8.13 గంటలకు శోభిత మెడలో మూడు ముళ్ల వేయనున్నాడు నాగ చైతన్య. ఇరు కుటుంబసభ్యులు, బంధువులు, సన్నిహితులు, సినీ ప్రముఖులతో సహా మొత్తం 300 మందిని ఈ పెళ్లికి ఆహ్వానిస్తున్నట్లు నాగార్జున ఇదివరకే ప్రకటించారు.ఇక పెళ్లి ముహూర్తం దగ్గర పడుతుండడంతో ఇరువురి ఇళ్లలో వివాహ పనులు స్పీడ్ అందుకున్నాయి. ప్రీ వెడ్డింగ్ వేడుకలు కూడా షురూ అయ్యాయి. ఇందుకు సంబంధించిన ఫొటోలు కూడా నెట్టింట వైరలవుతున్నాయి. వీటిని చూసిన సినీ ప్రముఖులు, అభిమానులు, నెటిజన్లు కాబోయే దంపతులకు ముందస్తు శుభాకాంక్షలు చెబుతున్నారు.

పెళ్లి సంగతి అలా ఉంచితే.. ఇప్పుడు నాగ చైతన్య, శోభిత వయస్సు గురించి సోషల్ మీడియాలో చర్చ జరుగుతోంది. కాబోయే వధూవరుల వయసు గురించి తెగ వెతుకుతున్నారు. 1986 నవంబర్ 23న జన్మించిన నాగ చైతన్యకు ఇటీవలే 38 ఏళ్లు. ఇక 1992 మే 31న శోభిత జన్మించింది. ఈ లెక్కన చూస్తే ప్రస్తుతం ఆమె వయసు 32 ఏళ్లు. అంటే ఈ జంట మధ్య సుమారు 6 ఏళ్ల గ్యాప్ ఉందన్నమాట. కాగా ఒక ప్రముఖ ఓటీటీ సంస్థ నిర్వహించిన ప్రమోషన్ కార్యక్రమంలో మొదటిసారిగా కలుసుకున్నారు నాగ చైతన్య, శోభిత. ఆ తర్వాత ఇద్దరి మధ్య స్నేహం మొదలైంది. అది క్రమంగా ప్రేమగా చిగురించింది. ఆ తర్వాత పెద్దల అనుమతితో ఈ ఏడాది మార్చిలో నిశ్చితార్థం చేసుకున్నారు. ఇప్పుడు పెళ్లితో తమ అనుబంధాన్ని మరింత ముందుకు తీసుకెళ్లారీ లవ్ బర్డ్స్.

పెళ్లి కూతురిగా ముస్తాబైన శోభిత..

కాగా నాగచైతన్య-శోభితల పెళ్లి తెలుగు సంప్రదాయ ప్రకారమే జరుగుతుందని నాగార్జున ఇది వరకే  తెలిపారు. అన్న పూర్ణ స్టూడియోస్ లోని అక్కినేని నాగేశ్వర రావు విగ్రహం ఎదుట వివాహ వేదికను ఏర్పాటు చేశారు.  పెళ్లి కోసం ఒక ప్రముఖ ఆర్ట్ డైరెక్టర్ ను కూడా ఏర్పాటు చేసినట్లు తెలుస్తోంది.

ప్రీ వెడ్డింగ్ వేడుకల్లో శోభిత ధూళిపాళ్ల..

మరిన్ని సినిమా వార్తల కోసం ఇక్కడ క్లిక్ చేయండి.