Kaduva: ప్రేక్షకులకు క్షమాపణలు చెప్పిన స్టార్ హీరో.. కలలు, అడ్డంకులు, శత్రువులు, పోరాటం అంటూ పోస్ట్..
హై ఆక్టేన్ యాక్షన్ మాస్ ఎంటర్‌టైనర్ గా రాబోతున్న ఈ చిత్రాన్ని పాన్ ఇండియా లెవల్లో తెలుగు, తమిళం, మలయాళం, కన్నడ, హిందీ భాషల్లో విడుదల చేయనున్నారు.
మలయాళ సూపర్ స్టార్ పృథ్వీరాజ్ సుకుమారన్ (Prithviraj Sukumaran) ప్రధాన పాత్రలో నటిస్తోన్న లేటేస్ట్ చిత్రం కడువా.. మాస్ డైరెక్టర్ షాజీ కైలాస్ దర్శకత్వం వహిస్తున్న ఈ మూవీపై అంచనాలు భారీగానే నెలకొన్నాయి.. హై ఆక్టేన్ యాక్షన్ మాస్ ఎంటర్‌టైనర్ గా రాబోతున్న ఈ చిత్రాన్ని పాన్ ఇండియా లెవల్లో తెలుగు, తమిళం, మలయాళం, కన్నడ, హిందీ భాషల్లో విడుదల చేయనున్నారు.. అయితే ఈ సినిమాను జూన్ 30న ఈ చిత్రాన్ని ప్రపంచవ్యాప్తంగా థియేటర్లలో విడుదల చేస్తున్నట్లు తొలుత ప్రకటించారు నిర్మాతలు. అయితే కొన్ని అనివార్య కారణాల వలన సినిమా విడుదల వారం రోజులు వాయిదా పడింది. జూలై 7న సినిమాని విడుదల చేస్తున్నట్లు పృథ్వీరాజ్ సుకుమారన్ ప్రకటించారు..
ఈ విషయాన్ని తెలియజేస్తూ తన ఇన్ స్టాలో ఆసక్తికర పోస్ట్ చేశారు.. “పెద్ద కలలు, పెద్ద అడ్డంకులు, శత్రువులు, బలవంతులు, పోరాటం, కష్టం.. అభిమానులు, డిస్ట్రిబ్యూటర్స్, థియేటర్ యజమానులందరికీ క్షమాపణలు. అనుకోని పరిస్థితుల వలన ‘కడువా’ చిత్రం విడుదల జూలై7 కి వారం రోజుల వాయిదా పడింది. ప్రచార కార్యక్రమాలు షెడ్యూల్ ప్రకారం కొనసాగిస్తాము. ఈ మాస్ యాక్షన్ ఎంటర్‌టైనర్ కి మీఅందరి ప్రేమ, మద్దతు కొనసాగాలి” అంటూ రాసుకొచ్చారు..
ఈ భారీ యాక్షన్ థ్రిల్ డ్రామాలో బాలీవుడ్ స్టార్ వివేక్ ఒబెరాయ్‌ మరో ప్రధాన పాత్ర పోషిస్తుండగా, ‘భీమ్లా నాయక్’ ఫేమ్ సంయుక్త మీనన్ కథానాయికగా కనిపించనున్నారు. ఇటివలే విడుదలైన కడువా టీజర్ యాక్షన్ మాస్ ఎంటర్‌టైనర్ గా అన్ని వర్గాల ప్రేక్షకులని అలరించి సినిమాపై భారీ అంచనాలు పెంచింది. మ్యాజిక్ ఫ్రేమ్స్ & పృథ్వీరాజ్ ప్రొడక్షన్స్ బ్యానర్లపై లిస్టిన్ స్టీఫెన్, సుప్రియా మీనన్ ఈ చిత్రాన్ని నిర్మించారు. జేక్స్ బిజోయ్ సంగీతం అందించారు.
మరిన్ని ఎంటర్టైన్మెంట్ వార్తల కోసం ఇక్కడ క్లిక్ చేయండి.