Prabhas: ఆదిపురుష్ రిలీజ్ పై మరోసారి సందిగ్ధత.. ఎట్టకేలకు క్లారిటీ ఇచ్చిన మేకర్స్..

Adipurush

యంగ్ రెబల్ స్టార్ ప్రభాస్ ప్రస్తుతం చేతినిండా సినిమాలతో బిజీగా ఉన్న సంగతి తెలిసిందే. డార్లింగ్ చిత్రాల కోసం ఎంతో ఆసక్తిగా ఎదురుచూస్తున్నారు. ప్రస్తుతం ప్రాజెక్ట్ కె, సలార్ చిత్రాలు శరవేగంగా షూటింగ్ జరుపుకుంటున్నాయి. మరోవైపు డైరెక్టర్ మారుతి రూపొందిస్తోన్న సినిమా చిత్రీకరణ కూడా సైలెంట్‏గా జరిగిపోతుంది. అలాగే బాలీవుడ్ డైరెక్టర్ ఓంరౌత్ దర్శకత్వంలో ప్రభాస్ నటించిన చిత్రం ఆదిపురుష్. ఇప్పటికే షూటింగ్ కంప్లీట్ చేసుకుని విడుదలకు సిద్ధమవుతుంది. అయితే గతంలో రిలీజ్ చేసిన టీజర్ పై విమర్శలు రావడంతో సినిమా వీఎఫ్ఎక్స్ మార్చే పనిలో పడ్డారు మేకర్స్. దీంతో సంక్రాంతి బరిలో నిలవాల్సిన ఈ సినిమా వాయిదా పడింది. ఇక ఈ సినిమాను 2023 జూన్ 16న విడుదల చేయనున్నట్లు ప్రకటించింది చిత్రబృందం. అయితే ఈ సినిమా అనుకున్న తేదీకి రిలీజ్ కాదనే అనుమానాలు వ్యక్తం చేస్తున్నారు నెటిజన్స్. తాజాగా ఈ సినిమా రిలీజ్ డేట్ పై క్లారిటీ ఇచ్చారు మేకర్స్.

ఆదిపురుష్ చిత్రం జూన్ 16న రిలీజ్ కావడం ఖాయమంటూ నిర్ధారిస్తూ ఓ ప్రకటన విడుదల చేశారు. ప్రభాస్ రాముడిగా కనిపించడానికి ఇంకా 150 రోజులు ఆగాల్సిందే. దీంతో సంతోషం వ్యక్తం చేస్తున్నారు ప్రభాస్ ఫ్యాన్స్. రామయణం ఇతిహాసం ఆధారంగా తెరకెక్కుతున్న ఈ మూవీలో సీతగా కృతి సనన్ నటిస్తోంది. ఇందులో బాలీవుడ్ హీరో సైఫ్ అలీ ఖాన్ రావణుడిగా నటిస్తున్నారు.

అలాగే సన్నీ సింగ్,సోనాల్ చౌహాన్ కీలకపాత్రలలో నటిస్తున్నారు. ఈ సినిమా అత్యంత ప్రతిష్టాత్మకంగా భారీ బడ్జెట్ తో టీ సిరీస్, రెట్రోఫిల్స్ ఈ పౌరాణిక సినిమాను నిర్మిస్తున్నారు.

మరిన్ని ఎంటర్టైన్మెంట్ వార్తల కోసం ఇక్కడ క్లిక్ చేయండి.