RRRMovie : కొమ్మ ఉయ్యాల.. కోన జంపాల పాట ఆలపించిన చిన్నారికి ఫిదా అయిన కీరవాణి.. టాలెంటెడ్ కిడ్ అంటూ..
'ఆర్ఆర్ఆర్' సినిమా ఎంత ఘనవిజయం సాధించిందో ప్రత్యేకంగా చెప్పాల్సిన అవసరం లేదు. ఇప్పటికే ఈ సినిమా భారీ వసూళ్ల దిశగా పరుగులు తీస్తుంది.
ఆర్ఆర్ఆర్(RRR Movie) సినిమా ఎంత ఘనవిజయం సాధించిందో ప్రత్యేకంగా చెప్పాల్సిన అవసరం లేదు. ఇప్పటికే ఈ సినిమా భారీ వసూళ్ల దిశగా పరుగులు తీస్తుంది. దర్శక ధీరుడు రాజమౌళి తెరకెక్కిన ఆర్ఆర్ఆర్ సినిమా పాన్ ఇండియా లెవల్ లో బ్లాక్ బస్టర్ హిట్ అందుకుంది. విడుదలైన అన్ని భాషల్లో భారీ వసూళ్లను రాబడుతుంది ఆర్ఆర్ఆర్. ఇక ఈ సినిమాలో చాలా విశేషాలు ఉన్నాయి. కొమురం భీమ్‌గా తారక్, అల్లూరిగా చరణ్ తమ నటనలతో ప్రేక్షకులను కట్టి పడేశారు. ఇక జక్కన్న మేకింగ్ సినిమా స్థాయిని పెంచేసింది. విజువల్స్ పరంగాను ఆర్ఆర్ఆర్ ప్రేక్షకుల చేత చప్పట్లు కొట్టించాయి. అలాగే ఈ సినిమాకు మరో ప్రధాన ఆకర్షణ సంగీత దర్శకుడు కీరవాణి(Keeravani). అద్భుతమైన బాణీలను ఈ సినిమా కోసం అందించారు కీరవాణి. ఆర్ఆర్ఆర్ సినిమాలోని అన్ని పాటలు సూపర్ హిట్ గా నిలిచాయి. బ్యాక్ గ్రౌండ్ మ్యూజిక్ గురించి చెప్పాల్సిన అవసరం లేదు.
ఆర్ఆర్ఆర్ సినిమా ఓ చిన్న పాటతో మొదలవుతుంది. కొమ్మ ఉయ్యాల.. కోన జంపాల పాటతో సినిమా ఆరంభం అవుతుంది. ఓ చిన్నారి ఈ పాటను ఆలపిస్తూ బ్రిటీష్ రాణికి పచ్చబొట్టు వేస్తూ కనిపిస్తుంది. ఈ చిన్న పాట ప్రేక్షకులను విపరీతంగా ఆకట్టుకుంది. తాజాగా ఈ పాట పాడిన చిన్నారిని కీరవాణి పరిచయం చేశారు. ఈ అందమైన గీతాన్ని ఆలపించిన చిన్నారి పేరు ప్రకృతి.. మార్చి 15న 2019లో ఈ పాటను రికార్డ్ చేశారు కీరవాణి. అప్పుడు ఆ చిన్నారి వయసు మూడేళ్లు. ఎంతో అందంగా స్పష్టంగా ప్రకృతి కొమ్మ ఉయ్యాల పాటను ఆలపించింది. ఇందుకు సంబంధించిన వీడియోను కీరవాణి సోషల్ మీడియా ద్వారా పంచుకున్నారు.
Prakruthi was younger by 3 years when she originally dubbed this song ! Such a talented kid ? pic.twitter.com/9XH9DTdikX
— mmkeeravaani (@mmkeeravaani) April 4, 2022
మరిన్ని ఇక్కడ చదవండి :