Kannappa: కేన్స్‌ ఫిల్మ్ ఫెస్టివల్‌లో ‘కన్నప్ప’ టీమ్.. రెడ్ కార్పెట్‌పై సందడి చేసిన మంచు ఫ్యామిలీ.. వీడియో చూశారా?

Manchu Family

ఫ్రాన్స్ రాజధాని పారిస్ వేదికగా కేన్స్ ఫిల్మ్ ఫెస్టివల్ అంగరంగ వైభవంగా జరుగుతోంది. ప్రపంచ వ్యాప్తంగా ఫేమస్ అయిన అందాల తారలు, నటులు, నటీమణులు ఇక్కడి రెడ్ కార్పెట్ పై ర్యాంప్ వాక్ చేస్తున్నారు. ఇక ఇండియా నుంచి ఐశ్వర్యా రాయ్ బచ్చన్, శోభిత ధూళిపాళ, ఊర్వశి రౌతెలా తదితరులు కేన్స్ ఫిల్మ్ ఫెస్టివల్ లో సందడి చేశారు. వీటికి సంబంధించిన ఫొటోలు, వీడియోలు సామాజిక మాధ్యమాల్లో తెగ వైరలవుతున్నాయి. తాజాగా కన్నప్ప చిత్ర బృందం ఈ ఫిల్మ్ ఫెస్టివల్ కు హాజరైంది. మంచు విష్ణు- వెరానిక దంపతులు, మోహన్‌ బాబు, ప్రముఖ కొరియోగ్రాఫర్ ప్రభుదేవా రెడ్‌ కార్పెట్‌పై సందడి చేశారు. ‘హారిజన్: యాన్ అమెరికన్ సాగా’ స్పెషల్ స్క్రీనింగ్‌లో వీరంతా పాల్గొన్నారు. ఈ విషయాన్ని హీరో మంచు ట్విట్టర్ వేదికగా అభిమానులతో పంచుకున్నారు. ప్రస్తుతం ఈ వీడియో సామాజి క మాధ్యమాల్లో వైరల్ గా మారిది. కాగా ఇదే ఫిల్మ్ ఫెస్టివల్ వేదికగా కన్నప్ప టీజర్ ను లాంఛ్ చేయనున్నారని సమాచారం.

కాగా మంచు విష్ణు డ్రీమ్ ప్రాజెక్టుగా కన్నప్ప తెరకెక్కుతోంది. ముఖేష్‌కుమార్‌ సింగ్‌ దర్శకత్వంలో రానున్న ఈ సినిమాలో స్టార్ యాక్టర్స్ కనిపించనున్నారు. పాన్ ఇండియా సూపర్ స్టార్ ప్రభాస్, అక్షయ్ కుమార్, మోహన్ బాబు, మోహన్ లాల్, శివరాజ్ కుమార్, శరత్‌ కుమార్‌, నయనతార, ప్రీతి తదితరులు కన్నప్ప సినిమాలో నటించనున్నారు. ఇక టాలీవుడ్ సీనియర్ హీరోయిన్ కాజల్ అగర్వాల్ కూడా ఈ ప్రతిష్ఠాత్మకమైన ప్రాజెక్టులో భాగమైనట్లు మేకర్స్ ఇటీవల ప్రకటించారు.

కేన్స్ ఫిల్మ్ ఫెస్టివల్ లో కన్నప్ప టీమ్.. వీడియో ఇదిగో..

టీచర్ లాంచ్ చేయనున్నారా?

మరిన్ని సినిమా వార్తల కోసం ఇక్కడ క్లిక్ చేయండి.