Varun Tej: మెగా ప్రిన్స్ వరుణ్ తేజ్ ఆ తమిళ దర్శకుడికి గ్రీన్ సిగ్నల్ ఇచ్చారా.?
మెగా ప్రిన్ వరుణ్ తేజ్ సినిమా కోసం ఆయన అభిమానులంతా ఆసక్తిగా ఎదురుచూస్తున్నారు. ముకుంద సినిమాతో హీరోగా పరిచయం అయ్యాడు వరుణ్ తేజ్.
మెగా ప్రిన్ వరుణ్ తేజ్(Varun Tej) సినిమా కోసం ఆయన అభిమానులంతా ఆసక్తిగా ఎదురుచూస్తున్నారు. ముకుంద సినిమాతో హీరోగా పరిచయం అయ్యాడు వరుణ్ తేజ్. ఆ తర్వాత వరుస సినిమాలతో హీరోగా మంచి గుర్తింపు తెచుకున్నాడు. హరీష్ శంకర్ దర్శకత్వంలో వచ్చిన గద్దల కొండ గణేష్ సినిమాలో తన నటనతో ప్రేక్షకులను కట్టిపడేశాడు వరుణ్. ఇక ఈ మధ్య రెండు సినిమాలను ప్రేక్షకుల ముందుకు తీసుకువచ్చాడు ఈ మెగా హీరో.. వాటిలో గని సినిమా ఒకటి కిరణ్ దర్శకత్వంలో వచ్చిన ఈ సినిమా ఆశించిన స్థాయిలో ప్రేక్షకులను ఆకట్టుకోలేక పోయింది. అలాగే అనీల్ రావిపూడి దర్శకత్వంలో వచ్చిన ఎఫ్ 3. ఈ సినిమా ప్రేక్షకులను నవ్వించి మంచి సక్సెస్ గా నిలించింది. దాంతో ఇప్పుడు వరుణ్ ఎవరితో సినిమా చేయనున్నడన్నది ఆసక్తిగా మారింది.
అయితే తన నెక్స్ట్ సినిమా ప్రవీణ్ సత్తారు దర్శకత్వంలో చేయనున్నాడు వరుణ్. ఇటీవలే ఈ సినిమా పూజాకార్యక్రమాలు కూడా జరిగాయి. ప్రవీణ్ ప్రస్తుతం నాగార్జున నటిస్తున్న గోస్ట్ సినిమాకు దర్శకత్వం వహిస్తున్నాడు. ఈ సినిమా ప్రస్తుతం షూటింగ్ కంప్లీట్ చేసుకొని రిలీజ్ కు రెడీ అవుతోంది. అయితే ఇప్పుడు ఓ తమిళ్ దర్శకుడితో చేయనున్నాడని టాక్ వినిపిస్తోంది. తమిళ్ లో అర్జున్ రెడ్డి సినిమా తెరకెక్కించిన గిరీశయ్య తో సినిమా చేయనున్నాడని తెలుస్తోంది. గిరీశయ్య ప్రస్తుతం మెగాహీరో వైష్ణవ్ తేజ్ తో ‘రంగ రంగ వైభవంగా’ సినిమా చేస్తున్నాడు. ఈ సినిమా సెప్టెంబర్ 2న ప్రేక్షకుల ముందుకు రానుంది. ఇటీవలే వరుణ్ తో గిరీశయ్య కథ గురించి చర్చలు కూడా జరిపారని తెలుస్తోంది. మరి ఈ వార్తల్లో వాస్తవమెంత అన్నది తెలియాల్సి ఉంది.
