Sharwanand: హీరో శర్వానంద్‌కు బిరుదు.. ఇకపై పేరు ముందు ఏ స్టార్ ట్యాగ్ వేయనున్నారంటే?

Sharwanand

ప్రస్తుతం టాలీవుడ్ లో ఉన్న ట్యాలెంటెడ్ హీరోల్లో శర్వానంద్ కూడా ఒకరు. యూత్‌ను, ఫ్యామిలీ ఆడియెన్స్ ను లక్ష్యంగా చేసుకుని సినిమాలు తీస్తుంటారాయన. దీంతో ఆడియెన్స్ లో శర్వాకు మంచి గుర్తింపు ఉంది. ఒకే ఒక జీవితం తర్వాత చాలా గ్యాప్ తీసుకున్నాడు శర్వానంద్. పెళ్లి చేసుకుని తండ్రిగా కూడా ప్రమోషన్ పొందాడు. శర్వానంద్ నటిస్తోన్న తాజ చిత్రం మనమే. ఉప్పెన బ్యూటీ కృతి శెట్టి హీరోయిన్ గా నటించింది. శ్రీరామ్ ఆదిత్య తెరకెక్కించిన ఈ యూత్ ఫుల్ ఎంటర్ టైనర్ షూటింగ్ ఇప్పటికే పూర్తయ్యింది. అన్ని హంగులు పూర్తి చేసుకున్న ఈ మూవీ శుక్రవారం (జూన్ 07) న గ్రాండ్ గా రిలీజ్ కానుంది. ఈక్రమంలోనే ప్రమోషన్లకు సంబంధించి బుధవారం (జూన్ 05) మనమే ప్రీ రిలీజ్ ఈవెంట్ ను గ్రాండ్ గా నిర్వహించారు. ఈ వేడుకుకు శర్వానంద్, కృతి శెట్టి, డైరెక్టర్ శ్రీరామ్ ఆదిత్య, నిర్మాత టీజీ విశ్వప్రసాద్ తదితర చిత్ర బృందమంతా హాజరయ్యారు. అలాగేదర్శకులు మారుతి, శివ నిర్వాణ, సాయి రాజేశ్‌ తదితరులు ముఖ్య అతిథులుగా హాజరయ్యారు. సినిమా సూపర్ హిట్ అవ్వాలని ఆకాంక్షించారు.

కాగా మనమే సినిమా ప్రీ రిలీజ్ ఈవెంట్ లో నిర్మాత టీజీ విశ్వ ప్రసాద్ మాట్లాడుతూ శర్వానంద్ కు ఓ బిరుదును ఇచ్చారు. అదేమిటంటే మెగాస్టార్, పవర్ స్టార్, రాక్ స్టార్, యూత్ స్టార్ ఉన్నట్లే .. శర్వానంద్ కు ఛార్మింగ్ స్టార్ అనే బిరుదును ఇచ్చారు. అంతేకాదు శర్వానంద్ సినిమా కెరీర్ పై ప్రత్యేక వీడియోను ప్రదర్శించారు. కాగా మొదట మనమే ప్రీ రిలీజ్ ఈవెంట్ ను పిఠాపురంలో నిర్వహించాలనుకున్నారు. అయితే అనుకోని కారణాల వల్ల హైదరాబాద్ లోనే నిర్వహించాల్సి వచ్చింది.

శుక్రవారం గ్రాండ్ రిలీజ్

శర్వాకు ఛార్మింగ్ స్టార్ బిరుదు ఇచ్చిన నిర్మాత టీజీ విశ్వ ప్రసాద్..

మరిన్ని సినిమా వార్తల కోసం ఇక్కడ క్లిక్ చేయండి