Guess The Actress: పెళ్లయ్యాక లుక్ మార్చేసిన బబ్లీ హీరోయిన్.. ఎవరో గుర్తు పట్టారా? భర్త కూడా ఓ ప్రముఖ హీరోనే

Tollywood Actress

పై ఫొటోలో ఉన్నది ఒక మలయాళ హీరోయిన్. అయినా తెలుగు ప్రేక్షకులకు ఈ ముద్దుగుమ్మ బాగా పరిచయం. తెలుగులో చేసింది కేవలం ఒక్క సినిమానే అయినా తన క్యూట్ నటనతో ఇక్కడి వారికి బాగా గుర్తుండిపోయింది. ఛైల్డ్ ఆర్టిస్టుగా సినిమా ఇండస్ట్రీలోకి అడుగుపెట్టిన ఆమెకు కేరళ రాష్ట్ర ఉత్తమ బాల నటి అవార్డు కూడా వరించింది. ఆ తర్వాత హీరోయిన్ గా పలు హిట్ సినిమాల్లోనటించింది. తన అందం, అభినయంతో మాలీవుడ్ ఇండస్ట్రీలో ప్రత్యేక గుర్తింపు తెచ్చుకుంది. అయితే సినిమా కెరీర్ పీక్స్ లో ఉండగానే ఓ ప్రముఖ నటుడిని వివాహం చేసుకుంది. సుమారు రెండేళ్ల క్రితం ఈ ముద్దుగుమ్మ పెళ్లి పీటలెక్కింది. దీంతో అప్పటి నుంచే సినిమాలకు కూడా దూరంగా ఉంది. అయితే సోషల్ మీడియాలో మాత్రం ఫుల్ యాక్టివ్ గా ఉంటోంది. తరచూ తన లేటెస్ట్ ఫొటోలు, వీడియోలను షేర్ చేస్తుంటుంది. వీటికి అభిమానులు, నెటిజన్ల నుంచి మంచి రెస్పాన్స్ వస్తుంటుంది. అలా తాజాగా ఆమె షేర్ చేసిన కొన్ని ఫొటోలు నెట్టింట వైరల్ గా మారాయి. ఇందులో ఆమె ఎంతో క్యూట్ గా కనిపించింది. పెళ్లి సమయంలో చాలా లావుగా ఉందని విమర్శలు ఎదుర్కొన్న ఈ సొగసరి పెళ్లయ్యాక మాత్రం తన లుక్ ను పూర్తిగా మార్చేసింది. మరి ఈ హీరోయిన్ ఎవరో గుర్తు పట్టారా? కష్టంగా ఉందా? ఈ సొగసరి తెలుగులో నాగ చైతన్యతో కలిసి ఒక సినిమా చేసింది. ఆమె తెలుగులో నటించిన ఏకైక సినిమా ఇదే. ఈ పాటికే అర్థమై ఉంటుంది ఆమె ఎవరో అని.. యస్. ఈ ముద్దు గుమ్మ ఎవరో కాదు.. సాహసం శ్వాసగా సాగిపో హీరోయిన్ మంజిమా మోహన్.

కాగా మంజిమా మోహన్‌ కోలీవుడ్ హీరో గౌతమ్‌ కార్తిక్‌ను పెళ్లిచేసుకుంది. 2022లో వీరి వివాహం గ్రాండగా జరిగింది. 2019లో ‘దేవరత్తం’ అనే సినిమాలో మంజిమా, కార్తీక్ కలసి నటించారు. అప్పటి నుంచి వీరి మధ్య పరిచయం మొదలైంది. అది కాస్తా స్నేహంగా, ఆ తర్వాత ప్రేమగా చిగురించింది. దీంతో ఇరు పెద్దల అనుమతితో వైవాహిక బంధంలోకి అడుగుపెట్టారు.

పెళ్లయ్యాక మంజిమా మోహన్ సినిమాలకు దూరంగా ఉంది. ఇక ఆమె భర్త కార్తీక్ మాత్రం అడపా దడపా కొన్ని సినిమాల్లో నటిస్తున్నాడు. కడలి సినిమాతో కార్తీక్ తెలుగు వారికి కూడా పరిచయమయ్యాడు.

మరిన్ని సినిమా వార్తల కోసం ఇక్కడ క్లిక్ చేయండి