Tollywood: ఈ ఫొటోలోని అమ్మాయి ఇప్పుడు స్టార్‌ యాంకర్‌.. తెరపై కనిపిస్తే మాటల ప్రవాహమే.. ఎవరో గుర్తుపట్టారా?
ఓ వైపు స్టార్‌ యాంకర్‌గా అటు బుల్లితెరపై సత్తా చాటుతూనే, నటిగా వెండితెరపైనా అదరగొడుతోంది. ఈ మధ్యన ఆడియో ఫంక్షన్స్‌లోనూ తన హోస్టింగ్‌తో ఆకట్టుకుంటోంది. ఇక ప్రముఖ రియాలిటీ షో బిగ్ బాస్‌లో రన్నరప్‌గా నిలిచి మరింత పాపులారిటీ సొంతం చేసుకుంది.
Updated on: May 10, 2023 | 5:55 AM
పై ఫొటోలో క్యూట్‌గా కనిపిస్తున్న అమ్మాయి ఇప్పుడు బుల్లితెరను ఏలేస్తోంది. ఫస్ట్‌లో సినిమాల్లో చిన్న, చిన్న రోల్స్ చేసిన ఈ బ్యూటీ.. ఇప్పుడు స్టార్‌ యాంకర్‌గా మస్త్‌ క్రేజ్‌ సొంతం చేసుకుంది. ఈ బ్యూటీ బేస్‌ వాయిస్‌, కామెడీ పంచులకు సపరేట్‌ ఫ్యాన్‌ బేస్‌ ఉంది. ఓ వైపు స్టార్‌ యాంకర్‌గా అటు బుల్లితెరపై సత్తా చాటుతూనే, నటిగా వెండితెరపైనా అదరగొడుతోంది. ఈ మధ్యన ఆడియో ఫంక్షన్స్‌లోనూ తన హోస్టింగ్‌తో ఆకట్టుకుంటోంది. ఇక ప్రముఖ రియాలిటీ షో బిగ్ బాస్‌లో రన్నరప్‌గా నిలిచి మరింత పాపులారిటీ సొంతం చేసుకుంది. మేము చెప్తున్నది ఎవరో అని ఈ పాటికే చాలామందికే అర్థమై ఉంటుంది. యస్‌.. పై ఫొటోలో ఉన్నది బుల్లితెర రాములమ్మ స్టార్‌ యాంకర్‌ శ్రీముఖి. యాంకరింగ్‌లో తనకంటూ ఓ ప్రత్యేక గుర్తింపు తెచ్చుకున్న ఈ ముద్దుగుమ్మ పుట్టిన రోజు నేడు (మే 10). ఈ క్రమంలో శ్రీముఖికి సంబంధించిన కొన్ని అరుదైన , చిన్ననాటి ఫొటోలు సోషల్‌ మీడియాలో తెగ వైరలవుతున్నాయి. పై ఫొటో కూడా అలాంటిదే. ఇందులో నాన్నతో దిగిన ఫొటో ఆమె అభిమానులు, నెటిజన్లను బాగా ఆకట్టుకుంటోంది. ఈ సందర్భంగా పలువురు నెటిజన్లు శ్రీముఖికి పుట్టిన రోజు శుభాకాంక్షలు తెలియజేస్తున్నారు.
టీవీ షోస్‌, ఈవెంట్స్‌తో బుల్లితెరపై బిజీగా ఉన్న శ్రీముఖి క్రమంగా వెండితెరపైనా బిజీగా అవుతోంది. ప్రస్తుతం ఆమె మెగాస్టార్‌ చిరంజీవి నటిస్తోన్న భోళా శంకర్‌లో కీలక పాత్ర పోషిస్తుంది. మెహర్‌ రమేశ్‌ దర్శకత్వం వహిస్తోన్న ఈ సినిమా షూటింగ్‌ చాలా భాగం పూర్తయ్యింది. తమన్నా హీరోయిన్‌గా నటిస్తుండగా, కీర్తి సురేశ్‌ మెగాస్టార్‌ చెల్లెలిగా కనిపించనుంది. త్వరలోనే ఈ సినిమా ప్రేక్షకుల ముందుకు రానుంది.
View this post on Instagram
View this post on Instagram
మరిన్ని సినిమా వార్తల కోసం క్లిక్ చేయండి..
