Ramesh Babu Passed Away: రమేష్ బాబు ఆకస్మిక మరణంతో రద్దైన కుర్ర హీరో డెబ్యూ మూవీ ప్రీరిలీజ్ ఈవెంట్..

సూపర్ స్టార్ మహేష్ బాబు మేనల్లుడు గల్లా జయదేవ్ కుమారుడు అశోక్ హీరోగా తెరకెక్కిన సినిమా హీరో. ఈ సినిమాలో అశోక్ కు జోడీగా నిధి అగర్వాల్ హీరోయిన్ గా నటించింది.

Hero

Rajeev Rayala |
Updated on: Jan 09, 2022 | 3:44 PM

సూపర్ స్టార్ మహేష్ బాబు మేనల్లుడు గల్లా జయదేవ్ కుమారుడు అశోక్ హీరోగా తెరకెక్కిన సినిమా హీరో. ఈ సినిమాలో అశోక్ కు జోడీగా నిధి అగర్వాల్ హీరోయిన్ గా నటించింది. లవ్ అండ్ ఎంటర్ టైన్ మెంట్ కథాంశంతో శ్రీరామ్ ఆదిత్య ఈ చిత్రానికి దర్శకత్వం వహించగా గల్లా అరుణకుమారి సూపర్ స్టార్ కృష్ణ సమర్పణలో అమర రాజా మీడియా అండ్ ఎంటర్ టైన్ మెంట్ పతాకంపై గల్లా పద్మావతి ఈ సినిమాను నిర్మించారు. ఇప్పటికే విడుదలైన ఈ సినిమా పాటలు, పోస్టర్లు ప్రేక్షకులను విపరీతంగా ఆకట్టుకున్నాయి. ఇక ఈ సినిమాను జనవరి 14న సంక్రాంతి కానుకగా ప్రేక్షకుల ముందుకు తీసుకురావాలని సన్నాహాలు చేస్తున్నారు. ఇప్పటికే విడుదల తేదీని కూడా ప్రకటించారు.

అయితే విడుదల తేదీ దగ్గర పడుతుండటంతో ప్రమోషన్స్ స్పీడ్ పెంచారు చిత్రయూనిట్.. ఇటీవలే హీరో మూవీ టీమ్ మీడియాతో ముచ్చటించారు. ఇక ఈ సినిమా ప్రీరిలీజ్ ఈవెంట్ ను తిరుపతిలో ఘనంగా నిర్వహించాలని అనుకున్నారు. నేడు తిరుపతి వేదికగా ప్రీరిలీజ్ ఈవెంట్ కి భారీ ఏర్పాట్లు చేసుకున్నారు. అయితే కృష్ణ పెద్ద కుమారుడు రమేష్ బాబు అనారోగ్యం తో కన్నుమూయడంతో ప్రీరిలీజ్ ఈవెంట్ ను క్యాన్సిల్ చేసారు చిత్రయూనిట్. గత కొంత కాలంగా అనారోగ్యంతో బాధపడుతున్న రమేష్ బాబు నేడు తెల్లవారుజామున కన్నుమూశారు. రమేష్ బాబు మరణంతో కృష్ణ మహేష్ ఫ్యాన్స్ లో విషాద ఛాయలు అలుముకున్నాయి. పలువురు సినిమాతారలు , సెలబ్రెటీలు రమేష్ బాబు మృతికి సంతాపం వ్యక్తం చేశారు.

మరిన్ని ఇక్కడ చదవండి :