Tollywood: ఈ హీరోయిన్ ఎవరో గుర్తుపట్టారా ?.. పవన్ కళ్యాణ్‏తో సూపర్ హిట్ సినిమాలో నటించింది.. ఎవరంటే..

Actress

తెలుగు సినీ పరిశ్రమలో చాలా మంది హీరోయిన్స్ తమకంటూ ప్రత్యేక స్థానాన్ని సంపాదించుకున్నారు. చేసింది తక్కువ సినిమాలే అయిన.. తమ సహజ నటనతో ప్రేక్షకుల హృదయాల్లో చెరగని ముద్ర వేసుకున్నారు. ఒకట్రెండు చిత్రాలతో ఇండస్ట్రీలో స్టార్ డమ్ అందుకున్నారు. కానీ ఆ తర్వాత వీరికి తెలుగులో అంతగా అవకాశాలు మాత్రం రాలేదు. దీంతో పెళ్లి తర్వాత ఇండస్ట్రీకి దూరమయ్యారు. ఇప్పుడు సెకండ్ ఇన్నింగ్స్ స్టార్ట్ చేసి ఫుల్ బిజీ అవుతున్నారు. అందులో ఈ హీరోయిన్ ఒకరు. పైన ఫోటోను చూశారు కదా.. ఆ హీరోయిన్ ఎవరో గుర్తుపట్టారా ?.. తెలుగులో స్టార్ హీరోల జోడిగా నటించి మెప్పించింది. పవర్ స్టార్ సినిమాతో ఈ బ్యూటీకి తెలుగులో మంచి క్రేజ్ వచ్చేసింది. ఆ తర్వాత రెండు మూడు సినిమాలు చేసి ఇండస్ట్రీకి దూరమయ్యింది. ఇంతకీ తను ఎవరంటే.. హీరోయిన్ ప్రీతి జింగానీయ. ఈ పేరు చెబితే గుర్తుపట్టడం కష్టమే.. కానీ తమ్ముడు మూవీ హీరోయిన్ అంటే మాత్రం ఠక్కున గుర్తుపట్టేస్తారు.

ప్రీతి జింగానీయ.. పవర్ స్టార్ పవన్ కళ్యాణ్ సరసన తమ్ముడు సినిమాలో నటించింది. అప్పట్లో ఈ మూవీ భారీ విజయాన్ని అందుకుంది. ఇందులో ఆమె అద్భుతంగా నటించి మెప్పించింది. దీంతో ఈ బ్యూటీకి మంచి గుర్తింపు వచ్చింది. ఆ తర్వాత బాలకృష్ణ నటించిన నరసింహనాయుడు మూవీలో కనిపించింది. ఈ మూవీ సూపర్ హిట్ అయ్యింది. కానీ తెలుగులో ఆ తర్వాత సరిగ్గా అవకాశాలు మాత్రం రాలేదు. దీంతో బాలీవుడ్ ఇండస్ట్రీకి షిఫ్ట్ అయ్యింది. అక్కడ ఒకట్రెండు సినిమాల్లో నటించి అలరించింది. ఆ తర్వాత తెలుగులో తేజం అనే సినిమాలో స్పెషల్ సాంగ్ చేసింది.

2007లో విక్టోరియా నెం.203 సినిమా తర్వాత మరో హిందీ సినిమాలో కనిపించలేదు. సినిమాలకు దూరంగా ఉన్న ఈ భామ. ఇటీవలే సెకండ్ ఇన్నింగ్స్ స్టార్ట్ చేసింది. గతేడాది ఫాస్ వెబ్ సిరీస్ తో రీఎంట్రీ ఇచ్చింది. సోషల్ మీడియాలో ఎప్పుడు చురుకుగా ఉండే ఈ బ్యూటీ.. తన ఫ్యామిలీ విషయాలను పంచుకుంటుంది. తన కుటుంబంతో కలిసి ఉన్న ఫోటోలను ఎప్పటికప్పుడు షేర్ చేస్తుంటుంది.

మరిన్ని సినిమా వార్తల కోసం ఇక్కడ క్లిక్ చేయండి.