ఏం పాట రా బాబు..! మైండ్‌లోనుంచి పొవట్లే..!! లవర్స్ తెగ పాడేసుకుంటున్న సాంగ్

కొన్ని సినిమాలు ఎప్పటికీ ప్రేక్షకుల మనసుల్లో సుస్థర స్థానం సంపాదించుకుంటాయి. చిన్న సినిమాలు గా వచ్చి సంచలన విజయాలను సాధించిన సినిమాలు చాలా ఉన్నాయి. ఎలాంటి అంచనాలు లేకుండా.. పెద్ద హీరోలు, స్పెషల్ సాంగ్స్ లేకుండా వచ్చిన సినిమాలు మంచి విజయాలను అందుకోవడమే కాకుండా కలెక్షన్స్ పరంగానూ దుమ్మురేపుతున్నాయి. వాటిలో ఈ సినిమా ఒకటి.. ఈ సినిమాలో నటీనటులు కొత్త వల్లే.. దర్శకుడు కొత్తవాడే.. అయినా కూడా సినిమా మంచి హిట్ అందుకుంది. ఇక ఈ సినిమాలోని ఓ సాంగ్ భారీ హిట్ అయ్యింది. ఎక్కడ చూసినా అదే పాట వినిపిస్తుంది. యూట్యూబ్ లో మిలియన్ కొద్దీ వ్యూస్ సొంతం చేసుకుంది ఆ సాంగ్. సినిమాకు మించి హిట్ అయ్యింది ఆ సాంగ్. ఇంతకూ ఆ సాంగ్ ఏంటంటే..

ఎలాంటి అంచనాలు లేకుండా వచ్చి ప్రేక్షకులను ఆకట్టుకున్న ఆ సినిమా మరేదో కాదు..  గత ఏడాది విడుదలైన రాజు వెడ్స్ రాంబాయి మూవీ. కొత్త దర్శకుడు సాయిలు కంపాటి తెరకెక్కించిన ఈ సినిమాలో అఖిల్‌ రాజ్, తేజస్విని హీరో, హీరోయిన్లుగా నటించారు. చిన్న సినిమాగా వచ్చిన ఈ సినిమా మంచి విజయాన్ని అందుకుంది. ఈ సినిమాకు వేణు ఊడుగుల నిర్మాతగా వ్యవహరించారు. అలాగే సిద్దూ జొన్నలగడ్డ సోదరుడు చైతూ జొన్నలగడ్డ విలన్ పాత్రలో అదరగొట్టాడు. వీరితో పాటు శివాజీ రాజా, అనితా చౌదరి తదితరులు ప్రధాన పాత్రలు పోషించారు.

ఇదిలా ఉంటే ఈ సినిమాలో రాంబాయి నీమీద నాకు మనసాయెనే అంటూ సాగే సాంగ్ ప్రేక్షకులను విశేషంగా ఆకట్టుకుంది. సురేష్ బొబ్బిలి ఈ సినిమాకు సంగీతం అందించారు. అనురాగ్ కులకర్ణి, జయశ్రీ పళ్లెం ఈ సాంగ్ ను ఆలపించారు. మిట్టపల్లి సురేందర్ ఈ పాటను రచించారు. ఈ సాంగ్ యూట్యూబ్ ను ఊపేస్తోంది. 25మిలియన్ కు పైగా వ్యూస్ తో దూసుకుపోతుంది రాంబాయి సాంగ్. ఇప్పటికీ ఈ సాంగ్ ను తెగ వింటున్నారు ఆడియన్స్.

మరిన్ని సినిమా వార్తల కోసం ఇక్కడ క్లిక్ చేయండి