Dasara: నాని సూపర్ హిట్ దసరా సినిమాను మిస్ చేసుకున్న హీరో ఎవరో తెలుసా..
నాని, కీర్తి సురేష్ మాస్ యాక్షన్ తో అదరగొట్టేశారు. మునుపెన్నడూ కనిపించనంతగా ఈ సినిమాలో కనిపించి మెప్పించాడు నాని. మొదటి షో నుంచి ఈ సినిమా పాజిటివ్ టాక్ తో దూసుకుపోతోంది.
నేచురల్ స్టార్ నాని నటించిన దసరా సినిమా బ్లాక్ బస్టర్ హిట్ గా నిలిచింది. శ్రీకాంత్ ఓదెల దర్శకుడిగా పరిచయం అవుతూ తెరకెక్కిన ఈ సినిమా మంచి హిట్ గా నిలిచింది. తెలంగాణ నేపథ్యంలో తెరకెక్కిన ఈ సినిమాలో కీర్తిసురేష్ హీరోయిన్ గా నటించింది. నాని, కీర్తి సురేష్ మాస్ యాక్షన్ తో అదరగొట్టేశారు. మునుపెన్నడూ కనిపించనంతగా ఈ సినిమాలో కనిపించి మెప్పించాడు నాని. మొదటి షో నుంచి ఈ సినిమా పాజిటివ్ టాక్ తో దూసుకుపోతోంది. ఇప్పటికే ఈ మూవీ భారీ కలెక్షన్స్ ను సొంతం చేసుకుంటూ .. 100కోట్ల క్లబ్ వైపు అడుగులేస్తోంది. ఈ సినిమా పై నాని మొదటి నుంచి గట్టి నమ్మకంతో ఉన్నారు. ఆ నమ్మకమే నిజమైంది దసరా సినిమా మంచి హిట్ గా నిలిచింది.
ఇదిలా ఉంటే నాని కంటే ముందు ఈ సినిమాకు హీరోగా మరో యంగ్ హీరోని అనుకున్నాడట శ్రీకాంత్. ఈ యంగ్ డైరెక్టర్ సుకుమార్ దగ్గర అసిస్టెంట్ గా పనిచేశారు. అయితే దసరా కథను ముందుగా రామ్ చరణ్ కోసం అనుకున్నాడట శ్రీకాంత్. రంగస్థలం సినిమాకు శ్రీకాంత్ అసిస్టెంట్ డైరెక్టర్ గా చేశాడు. ఆ సమయంలోనే రామ్ చరణ్ తో సినిమా చేయాలనీ అనుకున్నాడట. అయితే పెద్ద హీరో కథ అని వెనకడువేశాడట.
ఆ తర్వాత నితిన్ తో దసరా సినిమా చేయాలనీ అనుకున్నాడట. ఈ మేరకు నితిన్ ను కూడా సంప్రదించాడట. అయితే నితిన్ రిజెక్ట్ చేయడంతో నాని దగ్గరకు వెళ్లిందట ఈ కథ. మరి ఈ వార్తల్లో వాస్తవమెంత అన్నది తెలియదు కానీ.. నితిన్ చేసి ఉంటే కచ్చితంగా తన ఖాతాలో ఓ హిట్ పడుండేది. ఇప్పుడు ఈ సినిమా బ్లాక్ బస్టర్ హిట్ గా నిలిచి నాని కెరీర్ లో వన్ ఆఫ్ ది బెస్ట్ సినిమాగా నిలిచింది.