Dhanush: ధనుష్ తొలి తెలుగు సినిమాకు ఊహించని షాక్.. దాంతో షూటింగ్ కు బ్రేక్.. అసలు ఏమైందంటే

Danush

Dhanush: తమిళ్ స్టార్ హీరో ధనుష్ ప్రస్తుతం వరుస సినిమాలతో ఫుల్ బిజీగా గడుపుతున్నాడు. ఇటీవలే అనూహ్యంగా తన 18 ఏళ్ల వివాహబంధానికి స్వస్తి చెప్పి షాకిచ్చాడు ధనుష్. ఇక విడాకుల అనంతరం సినిమాలతో బిజీగా గడిపేస్తున్నాడు. ఈ క్రమంలోనే బ్యాక్ టు బ్యాక్ సినిమాలను లైనప్ చేశాడు ధనుష్. ఈ క్రమంలోనే తెలుగులో రెండు సినిమాలను ఓకే చేశాడు ఈ వర్సటైల్ యాక్టర్. వీటిలో యంగ్ డైరెక్టర్ వెంకీ అట్లూరి సినిమా ఒకటి.. మరొకటి శేఖర్ కమ్ముల మూవీ. వీటిలో వెంకీ సినిమా ముందుగా ప్రేక్షకుల ముందుకు రానుంది. ఇప్పటికే ఈ సినిమా పూజ కార్యక్రమాలు జరుపుకుంది. రీసెంట్ గానే షూటింగ్ కూడా  మొదలు పెట్టారు. ఈ సినిమాకు సార్ అనే టైటిల్ ను ఖరారు చేశారు. సితారా ఎంటర్​టైన్​మెంట్స్​, ఫొర్చ్యూన్ ఫోర్​ సినిమాస్​ సంయుక్తంగా నిర్మిస్తున్న ఈ చిత్రంలో ధనుష్​ టీచర్​గా కనిపించనున్నారు. అయితే ధనుష్ సోదరుడు ఇటీవలే కరోనా బారిన పడిన విషయం తెలిసిందే. తాజాగా ధనుష్ కూడా కరోనా సోకినట్టు తెలుస్తుంది. దాంతో సినిమాకు బ్రేక్ పడింది.

ధనుష్​కు కరోనా అని తేలగానే ‘సార్’​ చిత్రీకరణ ఆపేశారు. ప్రస్తుతం ధనుష్​ హోం ఐసోలేషన్​లో వైద్యుల సలహా మేరకు చికిత్స తీసుకుంటున్నారు. పదిరోజుల, పదిహేను రోజుల వరకూ ధనుష్​ ‘సార్’​ చిత్రీకరణలో పాల్గొనే అవకాశం లేదు. ఇలా సార్ సినిమాకు ఆదిలోనే బ్రేక్ పడితే ఇప్పుడు అనుకోని షాక్ కూడా తగిలింది. ఈ చిత్రానికి వర్క్ చేస్తున్న సినిమాటోగ్రాఫర్ ఉన్నట్టుండి ఈ మూవీ నుంచి తాను తప్పుకుంటున్నానని సోషల్ మీడియా వేదికగా ప్రకటించారు. సినిమానుంచి సినిమాటోగ్రాఫర్ దినేష్ కృష్ణన్ తాను తప్పుకుంటున్నట్టుగా ప్రకటించారు. అనివార్య కారణాల వల్ల తాను ఈ సినిమా నుంచి తప్పుకుంటున్నానని తెలుపారు. దాంతో ఇప్పుడు మరో సినిమాటోగ్రాఫర్ ను  వెతికే పనిలో పడ్డారట చిత్రయూనిట్. ఇక సార్ సినిమా బ్రేక్- షాక్ రెండు ఒకేసారి తగిలాయి.

మరిన్ని ఇక్కడ చదవండి : 

Ashu Reddy: జూనియర్ సామ్ వెనకనున్న బాలీవుడ్ హ్యాండ్సమ్ హీరో ఎవరో గుర్తు పట్టారా?

Padma Awards 2022: పద్మ అవార్డులకు ఎంపికైన వారిపై మెగాస్టార్‌ చిరంజీవి ఏమన్నారంటే..!

Dilraju: ఆ సమయంలో డిప్రెషన్‏లో వెళ్లాను.. సినిమాలే నిలబెట్టాయి.. నిర్మాత దిల్ రాజు ఆసక్తికర కామెంట్స్..