Balakrishna : వారణాసిలో అఖండ 2 టీమ్.. బోయపాటితో కలిసి బాలకృష్ణ ప్రత్యేక పూజలు..
నందమూరి బాలకృష్ణ , మాస్ డైరెక్టర్ బోయపాటి శ్రీను క్రేజీ కాంబినేషన్ లో తెరకెక్కిన అఖండ 2: తాండవం. ప్రస్తుతం ఈ మూవీ బాక్సాఫీస్ వద్ద దూసుకుపోతుంది. ఈ సినిమా విడుదలైన మొదటి రోజే రూ. 59.5 కోట్ల గ్రాస్ వసూలు చేసి బాలయ్య కెరీర్ లోనే బిగ్గెస్ట్ ఓపెనర్గా నిలిచింది.
వారణిసిలో కాశీవిశ్వనాథ స్వామిని హీరో నందమూరి బాలకృష్ణ దర్శించుకున్నారు. సనాతన ధర్మం గురించి నేటి తరం తెలుసుకోవాలని, సనాతన సైనికుడిగానే అఖండ-2 సినిమాలో నటించానన్నారు బాలకృష్ణ. అఖండ-2 చిత్రానికి అన్ని వర్గాల నుంచి అపూర్వ స్పందన వస్తోందని, యూపీ సీఎం యోగిని చిత్ర నిర్మాత, దర్శకులు కలిసి సినిమా గురించి వివరించారని అన్నారు. సనాతన ధర్మాన్ని కాపాడుకోవాల్సిన బాధ్యత అందరిపై ఉందన్నారు. డైరెక్టర్ బోయపాటి శ్రీను దర్శకత్వంలో బాలకృష్ణ నటించిన ఈ సినిమా బాక్సాఫీస్ వద్ద దూసుకుపోతుంది. భారీ అంచనాల మధ్య విడుదలైన ఈ మూవీ ఇప్పుడు కలెక్షన్ల సునామీ సృష్టిస్తుంది.
ఇవి కూడా చదవండి : Anand Movie : జస్ట్ మిస్.. ఆనంద్ సినిమాను మిస్సైన హీరోయిన్.. దెబ్బకు లైఫ్ మారిపోయేది కదా..
డిసెంబర్ 12న విడుదలైన ఈ సినిమా ఇప్పుడు మంచి వసూల్లతో దూసుకుపోతుంది. ఈ క్రమంలోనే తాజాగా చిత్రయూనిట్ ఆధ్యాత్మిక నగరమైన వారణాసిలో అడుగుపెట్టింది. అఖండ 2 చిత్రాన్ని రామ్ ఆచంట, గోపి ఆచంట కలిసి 14 రీల్స్ బ్యానర్ పై నిర్మించగా.. ఎస్.ఎస్. థమన్ సంగీతం అందించారు. ఇందులో సంయుక్త మీనన్, హర్షాలీ మల్హోత్రా కీలకపాత్రలు పోషించారు. ఇందులో బాలయ్య అఘోరగా కనిపించారు.
ఇవి కూడా చదవండి : Dhurandhar: బాక్సాఫీస్ను షేక్ చేస్తోన్న ధురంధర్.. ఈ సినిమా డైరెక్టర్ భార్య తెలుగులో తోపు హీరోయిన్..