Macherla Niyojakavargam: అదిరింది సాంగ్ అదిరిపోయిందిగా.. నితిన్, కృతి లుక్స్ స్టన్నింగ్..

Adirindi Full Song

యంగ్ అండ్ టాలెంటెడ్ హీరో నితిన్ (Nithiin).. కృతి శెట్టి జంటగా నటిస్తోన్న చిత్రం మాచర్ల నియోజకవర్గం (Macherla Niyojakavargam). డైరెక్టర్ ఎంఎస్ రాజశేఖర్ రెడ్డి తెరకెక్కిస్తున్న ఈ సినిమా షూటింగ్ కంప్లీట్ చేసుకుని ప్రస్తుతం పోస్ట్ ప్రొడక్షన్ పనులు జరుపుకుంటుంది. పొలిటికల్ నేపథ్యంలో రాబోతున్న ఈ మూవీలో నితిన్ ఐఏఎస్ సిద్ధార్థ్ పాత్రలో కనిపించనున్నాడు. ఇప్పటికే విడుదలైన పోస్టర్స్, వీడియోస్ సినిమాపై మరింత ఆసక్తిని కలిగించాయి. ఇక మరోవైపు సాంగ్స్ సైతం ప్రేక్షకులను ఆకట్టుకుంటున్నాయి. ఇప్పటికే రిలీజ్ అయిన రారా రెడ్డి సాంగ్ యూట్యూబ్ ను షేక్ చేస్తుండగా.. తాజాగా ఈ మూవీ నుంచి 3వ పాటను విడుదల చేశారు మేకర్స్.

‘అదిరిందే..పసిగుండె.. తగిలిందే హైఓల్టేజ్’.. అంటూ సాగే ఈ పాట ఆకట్టుకుంటుంది. ఎప్పటిలాగే లిరిక్స్ వీడియో కాకుండా ఫుల్ వీడియో సాంగ్ రిలీజ్ చేసింది చిత్రయూనిట్. ఈ పాటలో నితిన్, కృతి శెట్టి లుక్స్ మరింత స్టైలిష్ గా ఉన్నాయి. సింపుల్ స్టెప్పులతో అట్రాక్ట్ చేశారు. మహితి స్వర సాగర్ సంగీతం అందించగా సంజిత్ హెగ్డే ఆలపించారు. ఈ సినిమాను ఆగస్ట్ 12న ప్రేక్షకుల ముందుకు తీసుకురానున్నారు. ఈరోజు విడుదలైన అదిరింది పాటకు మంచి రెస్పాన్స్ వస్తుంది.

మరిన్ని ఎంటర్టైన్మెంట్ వార్తల కోసం ఇక్కడ క్లిక్ చేయండి.