Samantha: రామ్ చరణ్‏కు ఆసక్తికర ట్యాగ్ ఇచ్చిన సమంత.. ధనుష్, అల్లు అర్జున్ పై ఇంట్రెస్టింగ్ కామెంట్స్..

పాపులర్ రియాలిటీ షో కాఫీ విత్ కరణ్ 7లో టాలీవుడ్ హీరోయిన్ సమంత (Samantha) సందడి చేసింది. హీరో అక్షయ్ కుమార్‏తో కలిసి ఊ అంటావా మావ పాటకు అదిరిపోయే స్టెప్పులేసింది. అంతేకాకుండా కరణ్ అడిగిన ప్రశ్నలకు ఆసక్తికర సమాధానాలు ఇచ్చింది. ప్రేమ, పెళ్లి, విడాకుల గురించి సామ్ చేసిన కామెంట్స్ ఇండస్ట్రీలో హాట్ టాపిక్ అయ్యాయి. గతంలో కంటే ప్రస్తుతం తాను మరింత బలంగా ఉన్నానని.. తన జీవితంలో మరోసారి ప్రేమను ఆహ్వానించడానికి సిద్ధంగా లేనట్లు చెప్పుకొచ్చింది. అలాగే తాను రూ. 250 కోట్లు భరణం తీసుకున్నట్లు వచ్చిన వార్తలలో ఏలాంటి వాస్తవం లేదని చెప్పింది. అంతేకాకుండా.. టాలీవుడ్ మెగా పవర్ స్టార్ హీరో రామ్ చరణ్, అల్లు అర్జున్, ధనుష్ గురించి ఇంట్రెస్టింగ్ కామెంట్స్ చేసింది.

కాఫీ విత్ కరణ్ షోలో రాపిడ్ ఫైర్ రౌండ్‏లో భాగంగా కరణ్ అడిగిన ప్రశ్నలకు ఒక్కమాటలో సమాధానమిచ్చింది సామ్. అందులో రామ్ చరణ్ గురించి అడగ్గా.. ఓజీ అని ఠక్కున చెప్పేసింది. ఓజీ అంటే అర్థం ఒరిజినల్ గ్యాంగ్ స్టర్ అంటూ అదిరిపోయే ట్యాగ్ ఇచ్చింది. అలాగే అల్లు అర్జున్ అంటే మ్యాజిక్ అని తెలిపింది. ఇక ధనుష్ ది గ్లోబల్ స్టార్ అని చెప్పింది. అలాగే ఇటీవల కాతు వాకుల్ రెండు కాదల్ సినిమా సమయంలో నయనతారతో కలిసి పనిచేసిన అనుభవాన్ని పంచుకుంది. తమ మధ్య మంచి స్నేహబంధం కలిసిందని.. ఇద్దరు హీరోయిన్లు ఉండే చిత్రాల్లో నటించేందుకు తనకు ఎలాంటి అభద్రతాభావం లేదని తెలిపింది. ప్రస్తుతం సామ్ యశోద, ఖుషి సినిమాలు చేస్తున్న సంగతి తెలిసిందే. అలాగే తాప్మీ నిర్మిస్తోన్న సినిమా ద్వారా సమంత బాలీవుడ్ ఎంట్రీ ఇవ్వబోతుంది.

View this post on Instagram

A post shared by Disney+ Hotstar (@disneyplushotstar)

మరిన్ని ఎంటర్టైన్మెంట్ వార్తల కోసం ఇక్కడ క్లిక్ చేయండి.