Pushpa 2: నీయవ్వ తగ్గేదేలే.. పుష్పరాజ్‌లా పోజులిచ్చిన స్టార్ హీరోయిన్ కూతురు.. క్యూట్ వీడియో ఇదిగో

Allu Arjun Pushpa 2

బాక్సాఫీస్ వద్ద పుష్ప 2 జోరు చూపిస్తూనే ఉంది. డిసెంబర్ 05న ప్రపంచ వ్యాప్తంగా విడుదలైన ఈ సినిమా రికార్డుల పరంపర ఆగడం లేదు. ఇప్పటికే ఈ మూవీ రూ. 1799 కోట్ల కలెక్షన్లు సాధించినట్లు చిత్ర బృందం అధికారికంగా ప్రకటించింది. ఇక నేడో, రేపు బాహుబలి 2 (1810 కోట్లు) కలెక్షన్లను కూడా అధిగమించనుంది. సౌత్ తో పోల్చితే నార్త్ లో పుష్ప 2 దుమ్మురేపుతోంది. ఇప్పటికీ హౌస్ ఫుల్ కలెక్షన్లు సాధిస్తూ బాక్సఫీస్ రికార్డులను బ్రేక్ చేస్తోంది. ఇక నెట్టింట పుష్ప 2 ఫీవర్ అసలు తగ్గడం లేదు. సామాన్యులతో పాటు సెలబ్రిటీలు సైతం పుష్ప 2 డైలాగులు, పాటలకు ఇన్ స్టా గ్రామ్ రీల్స్ చేస్తున్నారు. తాజాగా టాలీవుడ్ స్టార్ హీరోయిన్ శ్రియ కూతురు పుష్ప రాజ్‌ను ఇమిటేట్ చేసింది. తాము ఇంకా పుష్ప 2 సినిమా చూడలేదని, కానీ తన కూతురు మాత్రం ఇలా జుకేగా నహీ సాలా అంటూ చేసేస్తోందని శ్రియా ఓ క్యూట్ వీడియోని షేర్ చేసింది. ప్రస్తుతం ఈ వీడియో నెట్టింట వైరల్ గా మారింది. శ్రియా కూతురు రాధ చాలా క్యూట్ గా ఉందని సినీ అభిమానులు, నెటిజన్లు కాంప్లిమెంట్స్ ఇస్తున్నారు

డైరెక్టర్ సుకుమార్ తెరకెక్కించిన పుష్ప 2 సినిమాలో అల్లు అర్జున్ సరసన నేషనల్ క్రష్ రష్మిక మందన్నా హీరోయిన్ గా నటించింది. మలయాళ నటుడు ఫహద్ ఫాజిల్ విలన్ పాత్రలో మెప్పించాడు. వీరితో పాటు సునీల్, అనసూయ, జగపతి బాబు, తదితరులు కీలకపాత్రలు పోషించారు. శ్రీలీల ఒక స్పెషల్ సాంగ్ లో సందడి చేసింది. ఇక అల్లు అర్జున్ యాక్టింగ్, సుకుమార్ డైరెక్షన్ ప్రేక్షకులను ఊర్రుతలూగించాయి.

శ్రియా కూతురు వీడియో ఇదిగో..

బాహుబలి 2 రికార్డుకు చేరువలో పుష్ప 2

మరిన్ని సినిమా వార్తల కోసం ఇక్కడ క్లిక్ చేయండి.