Sana Khan: ‘అమ్మయ్యానోచ్‌’.. పండంటి మగ బిడ్డకు జన్మనిచ్చిన హీరోయిన్‌.. ఆనందక్షణాలను పంచుకుంటూ ఎమోషనల్
కల్యాణ్‌ రామ్‌ హీరోగా తెరకెక్కిన 'కత్తి' సినిమాతో అందరి దృష్టిని ఆకర్షించింది ముంబై ముద్దుగుమ్మ సనాఖాన్‌. ఆ తర్వాత నాగార్జున గగనం, మంచు మనోజ్‌ మిస్టర్‌ నూకయ్య సినిమాలతో ఇక్కడి వారికి బాగా చేరువైంది. ఇక హిందీలో సల్మాన్‌ ఖాన్‌ వంటి స్టార్‌హీరోల సినిమాల్లో సందడి చేసింది.
కల్యాణ్‌ రామ్‌ హీరోగా తెరకెక్కిన ‘కత్తి’ సినిమాతో అందరి దృష్టిని ఆకర్షించింది ముంబై ముద్దుగుమ్మ సనాఖాన్‌. ఆ తర్వాత నాగార్జున గగనం, మంచు మనోజ్‌ మిస్టర్‌ నూకయ్య సినిమాలతో ఇక్కడి వారికి బాగా చేరువైంది. ఇక హిందీలో సల్మాన్‌ ఖాన్‌ వంటి స్టార్‌హీరోల సినిమాల్లో సందడి చేసింది. అయితే స్టార్‌ హీరోయిన్‌గా కెరీర్‌ ఫుల్ స్పీడ్‌ ఉంటున్న తరుణంలోనే సినిమా ఇండస్ట్రీకి గుడ్‌బై చెప్పింద సనాఖాన్‌. అప్పటికప్పుడు తన సోషల్ మీడియా ఖాతాల్లో ఉన్న సినిమా ఫొటోలన్నింటినీ డిలీట్‌ చేసింది. ఆమె నిర్ణయం అందరినీ షాక్‌కు గురిచేసింది. ఆ తర్వాత ఇస్లాం మతంలోకి పూర్తిగా మారిపోయి మరోసారి వార్తల్లో నిలిచింది. ఇక 2020లో అనాస్‌ సయ్యద్‌ని పెళ్లి చేసుకున్న ఆమె తన మకాన్ని పూర్తిగా దుబాయ్‌కి మార్చేసింది. ప్రస్తుతం సినిమాలకు దూరంగా ఉన్న సనాఖాన్‌ సోషల్ మీడియా ద్వారా అభిమానులతో టచ్‌లో ఉంటోంది. తన భర్తతో కలిసున్న ఫొటోలను తరచూ ఇన్‌స్టాగ్రామ్‌లో షేర్‌ చేస్తుంటుంది.
కొన్ని నెలల క్రితం తాను గర్భంతో ఉన్నానని చెప్పుకొచ్చింది సనాఖాన్‌. తాజాగా తాను అమ్మనయ్యానంటూ శుభవార్తను మోసుకొచ్చింది. తనకు పండంటి మగబిడ్డ జన్మించినట్లు ఇన్‌స్టాగ్రామ్ వేదికగా తెలియజేసింఇ సనాఖాన్‌ ‘ఇప్పటి వరకు మీ ప్రేమాభిమానాలు మాపై ఉంచినందుకు కృతజ్ఞతలు. మీ ప్రేమాభిమానాలు మా బిడ్డపై కూడా చూపాలని మనసారా కోరుకుంటున్నాను’ అని తన ఆనందానికి అక్షర రూపమిచ్చింది సనాఖాన్‌. ప్రస్తుతం ఈ పోస్ట్ సోషల్ మీడియాలో వైరల్‌గా మారింది. పలువుఉరు సినీ ప్రముఖులు, అభిమానులు, నెటిజన్లు సనాఖాన్‌ దంపతులకు అభినందనలు, శుభాకాంక్షలు తెలుపుతున్నారు.
మరిన్ని సినిమా వార్తల కోసం క్లిక్ చేయండి..