Suresh: హీరోగా 200 సినిమాలు చేశా.. కానీ ఇప్పుడు ఈ పరిస్థితికి రావడానికి కారణం అదే.. నటుడు సురేష్..
ఒకప్పుడు హీరోగా తెలుగు సినిమా ప్రపంచంలో మంచి గుర్తింపు తెచ్చుకున్నాడు సురేష్. ఆ తర్వాత సహయ నటుడిగా అలరించిన ఆయన.. విలన్ పాత్రలతోనూ మెప్పించాడు. చాలా కాలంగా సినిమాలకు దూరంగా ఉన్న ఆయన.. తాజాగా ఓ ఇంటర్య్వూలో తన లైఫ్ గురించి ఆసక్తికర విషయాలు పంచుకున్నారు.అలాగే తనకు ఇష్టమైన హీరోల గురించి బయటపెట్టారు.
సీనియర్ నటుడు సురేష్ తన తాజా ఇంటర్వ్యూలో సినీ పరిశ్రమలో తన ప్రస్తుత స్థితి, భవిష్యత్ ఆకాంక్షలు, అలాగే దివంగత సూపర్ స్టార్ కృష్ణ గారిపై తనకున్న అపారమైన గౌరవాన్ని పంచుకున్నారు. తాను హైదరాబాద్లోనే నివసిస్తున్నానని, పరిశ్రమలో తనపై వస్తున్న పుకార్లను తీవ్రంగా ఖండించారు. “సురేష్ అయిపోయాడు”, “సినిమాల్లోకి రాడు”, “అమెరికా వెళ్లి సెటిల్ అయ్యాడు”, “నడుము విరిగింది”, “మద్రాస్ నుంచి రాలేదు” వంటి అనేక వదంతులను తోసిపుచ్చారు. గత 25 సంవత్సరాలుగా తాను హైదరాబాద్లోని మోకిలాలోనే నివసిస్తున్నానని, అచ్చమైన తెలుగువాడినని, మంచి వేషాల కోసం దర్శకులను, నిర్మాతలను పిలవాల్సిందిగా కోరారు. మంచి పాత్రల కోసం తాను ఎదురుచూస్తున్నానని సురేష్ స్పష్టం చేశారు. “అడుక్కోవడం” తప్పు కాదని, అయితే “సింహం చిక్కిపోయినా గడ్డి తినదు” అన్నట్లుగా తన స్థాయికి తగ్గ, సవాలుతో కూడిన పాత్రలనే కోరుకుంటున్నట్లు తెలిపారు. గతంలో తనకు నచ్చిన పాత్రలు లభించకపోవడం, లభించినవి తనకు నచ్చకపోవడంతో తనను తాను మెరుగుపరుచుకోవాలని నిర్ణయించుకున్నానని వివరించారు.
ఈ క్రమంలో బరువు తగ్గించుకోవడం వంటి శారీరక మార్పులతో పాటు, మానసికంగానూ కొత్త అవకాశాలకు సిద్ధంగా ఉన్నట్లు పేర్కొన్నారు. మంచి సినిమాలు, దర్శకులు, ప్రాజెక్టుల కోసం వేచి చూస్తున్నానని, తన కష్టానికి తగిన ప్రతిఫలం ఒక “బ్లాస్ట్” లా రావాలని ఆశిస్తున్నట్లు చెప్పారు. కొన్ని కథా చర్చలు జరుగుతున్నాయని, కొన్ని స్క్రిప్ట్ దశలో ఉన్నాయని తెలిపారు. సురేష్ పుస్తక పఠనంపై తనకున్న మక్కువను కూడా తెలియజేశారు. మద్రాస్లో ఉన్నప్పుడు వేల సంఖ్యలో పుస్తకాలు ఉండేవని, ప్రస్తుతం కొన్ని వందల వరకు మిగిలాయని చెప్పారు. షిఫ్టింగ్లో చాలా పుస్తకాలు పోయినా, సుమారు 1500 పుస్తకాలను ఒక పాఠశాలకు విరాళంగా ఇచ్చానని తెలిపారు. ఇప్పటికీ షూటింగ్ విరామాల్లోనూ పుస్తకాలు చదువుతూ ఉంటానని, పిచ్చాపాటి కబుర్ల కంటే పుస్తక పఠనమే తనకు మెరుగని అన్నారు.
ఈ సందర్భంగా దివంగత సూపర్ స్టార్ కృష్ణ గారి దాతృత్వం, మహోన్నత వ్యక్తిత్వం గురించి ఒక సంఘటనను గుర్తుచేసుకున్నారు. సురేష్ తండ్రి గోపీనాథ్ గారు నిర్మించిన “చెప్పింది చేస్తాను” అనే సినిమా డబ్బింగ్ సమయంలో డిస్ట్రిబ్యూటర్లతో సమస్య ఏర్పడిందని వివరించారు. సినిమా పూర్తికాకముందు కొనడానికి డిస్ట్రిబ్యూటర్లు నిరాకరించగా, చివరి పేమెంట్ ఇవ్వనందున కృష్ణ గారు డబ్బింగ్ చెప్పడం లేదని పుకార్లు వ్యాపించాయి. ఈ క్లిష్ట సమయంలో కృష్ణ గారు స్వయంగా సురేష్ తండ్రిని పిలిపించి, డబ్బు గురించి అడగకుండానే డబ్బింగ్ థియేటర్ ను ఏర్పాటు చేయించి, డబ్బింగ్ పూర్తి చేశారని సురేష్ గుర్తుచేసుకున్నారు. కృష్ణ గారి ఈ గొప్ప మనసు చూసి తన తండ్రి కన్నీళ్లు పెట్టుకున్నారని, అటువంటి మంచి మనుషులు ఉంటారా అని ఆశ్చర్యపోయారని తెలిపారు. డిస్ట్రిబ్యూటర్లు కృష్ణ గారిని కలిసి సురేష్ తండ్రి గురించి ఫిర్యాదు చేసినప్పుడు, కృష్ణ గారు నిజాన్ని తెలుసుకుని, రెండు నిమిషాల్లో సమస్యను పరిష్కరించారని చెప్పారు. కృష్ణ గారు కేవలం తన తండ్రికే కాకుండా చాలా మంది నిర్మాతలకు సహాయం చేశారని, ఆయన గొప్ప వ్యక్తిత్వం తనను ఎంతగానో ప్రభావితం చేసిందని సురేష్ తెలిపారు. అందుకే మహేష్ బాబు సినిమాలు చూసినప్పుడల్లా ఆయనకు దీవెనలు ఉంటాయని, హిట్ తర్వాత హిట్ కొట్టాలని ఆశిస్తానని పేర్కొన్నారు.
ఎక్కువమంది చదివినవి : Tollywood : రూ.16 కోట్లతో తీస్తే 400 కోట్ల కలెక్షన్.. యావత్ దేశమే ఆశ్చర్యపోయేలా చేసిన సినిమా..
ఎక్కువమంది చదివినవి : Ramayana Trailer : ఏముందిరా బాబూ.. కుర్రాళ్లు తెగ వెతుకున్న చిన్నది.. రామాయణ ట్రైలర్లో తనే స్పెషల్..