Rishab Shetty : ప్రేక్షకులకు కాంతార ఫేమ్ రిషబ్ శెట్టి విన్నపం.. దయచేసి ఆ శబ్దాన్ని అనుకరించవద్దంటూ..
ప్రస్తుతం బాక్సాఫీస్ వద్ద కాంతార సత్తా చాటుతోంది. ప్రాంతీయ సినిమా ఇప్పుడు దేశవ్యాప్తంగా అత్యధిక వసూల్లు రాబడుతూ రికార్డ్ సృష్టిస్తోంది. అయితే కాంతార సినిమాను ఇంతగా ఆదరిస్తున్న ప్రేక్షకులకు హీరో రిషబ్ శెట్టి ప్రత్యేక విన్నపం చేశారు.
దేశవ్యాప్తంగా బాక్సాఫీస్ వద్ద కాంతార హవా కొనసాగుతుంది. కన్నడ హీరో రిషబ్ శెట్టి స్వియ దర్శకత్వంలో తెరకెక్కిన సినిమాకు ఊహించని స్థాయిలో ఆదరణ లభిస్తుంది. సౌత్ టూ నార్త్ సినీ విమర్శకుల ప్రశంసలు అందుకంటూ దూసుకుపోతుంది. ఎలాంటి అంచనాలు లేకుండా చిన్న సినిమాగా మొదలై.. భారీ విజయాన్ని అందుకుంది. కర్ణాటక తుళునాడులోని కోలా, కంబా సంప్రదాయ ఆచారాలను ఆధారంగా చేసుకుని ఈ సినిమాను తెరకెక్కించారు. ఈ మూవీతో భూతకోల సంస్కృతిని తెలియజేశారు. ముఖ్యంగా కాంతార క్లైమాక్స్ ప్రేక్షకులకు గూస్ బంప్స్ తెప్పిస్తోంది. దైవం ఆవహించిన సమయంలో రిషబ్ శెట్టి నటన ప్రతి ప్రేక్షకుడిని కట్టిపడేస్తుంది.
అయితే దేవుడు ఆవహించిన సమయంలో కోల ఆడే వ్యక్తులు ఓ.. అంటూ వింత శబ్దాన్ని చేస్తారని ఆ సినిమాలో చూపించారు. ఆ ధ్వని వినిపించిన ప్రతిసారీ థియేటర్లు దద్దరిల్లిపోయేలా ప్రేక్షకులు రియాక్ట్ అవుతున్నారు. అంతేకాదు సినిమా చూసి బయటకు వచ్చిన తర్వాత కూడా ఓ.. అంటూ కేకలు వేస్తూ.. సినిమాపై తమ అభిమానాన్ని బయటపెడుతున్నారు. తాజాగా ఇదే విషయంపై హీరో రిషబ్ శెట్టి స్పందించారు.
ఓ.. అనేది కేవలం శబ్దం మాత్రమే కాదని.. అది తమకు ఓ సెంటిమెంట్ అని అన్నారు. కాంతార వీక్షించిన ప్రేక్షకులందరికీ నా చిరు విన్నపం. సినిమాలో ఉపయోగించిన శబ్దాలను అనుకరించవద్దు. ఇదొక ఆచారం. ఆధ్యాత్మిక నమ్మంక. అలాగే ఇది చాలా సున్నితమైన అంశం. దీనివల్ల ఆచారం దెబ్బతినొచ్చు అంటూ చెప్పుకొచ్చారు.
మరిన్ని ఎంటర్టైన్మెంట్ వార్తల కోసం ఇక్కడ క్లిక్ చేయండి.