Rana Daggubati: మనసులు గెల్చుకున్న రానా దగ్గుబాటి.. హోటల్ సిబ్బందితో ఏం చేశాడంటే? వీడియో వైరల్

Rana Daggubati

2022లో విడుదలైన విరాట పర్వం తర్వాత పెద్దగా సినిమాల్లో కనిపించలేదు రానా దగ్గుబాటి. కొన్ని నెలల క్రితం వెంకటేష్ తో కలిసి రానా నాయుడు అనే వెబ్ సిరీస్ లో నటించాడు. అలాగే నిఖిల్ నటించిన స్పై సినిమాలోనూ ఓ స్పెషల్ రోల్ లో తళుక్కున మెరిశాడు. అయితే ఈ మధ్యన నటుడిగా కంటే నిర్మాతగానే ఎక్కువగా బిజిబిజీగా ఉంటున్నాడు రానా దగ్గుబాటి. తాను నటించనప్పటికీ ఇతర సినిమాలను ప్రమోట్ చేసే విషయంలో చాలా ముందున్నాడీ టాలీవుడ్ హల్క్. సినిమాల సంగతి పక్కన పెడితే ఆఫ్ స్క్రీన్ లో ఎంతో సరదాగా ఉంటాడు రానా. తోటి హీరోలు, హీరోయిన్లతో జోవియల్ గా ఉంటాడు. అందుకే ఇతర హీరోల సినిమా ఫంక్షన్లు, ప్రీ రిలీజ్ ఈవెంట్లలో ఎక్కువగా కనిపిస్తుంటాడీ హ్యాండ్సమ్ హీరో. అలా తాజాగా దగ్గు బాటి రానాకు సంబంధించిన వీడియో ఒకటి సామాజిక మాధ్యమాల్లో బాగా వైరలవుతోంది. ఇందులో ఓ హోటల్‌లో స్టే చేసేందుకు వెళ్లిన హీరో రానాకు గ్రాండ్ వెల్కమ్ లభించింది. ఎప్పటిలాగానే హోటల్ సిబ్బంది పుష్ప గుచ్చంతో పాటు శాలువా బహుకరించారు.

సాధారణంగా ఇలాంటి సమయాల్లో ఏ హీరో అయినా ఏం చేస్తాడు. తనకు వచ్చిన ఫ్లవర్ బొకేలు, శాలువాలను పక్క వాళ్లకు ఇచ్చేస్తారు. అయితే రానా మాత్రం అలా చేయలేదు. తనకు ఎవరైతే ఇచ్చారో ఆ మహిళా సిబ్బందికే ఫ్లవర్ బొకే ఇచ్చి, శాలువా కూడా తన చేతులతో కప్పేశాడు. ప్రస్తుతం ఈ వీడియో సామాజిక మాధ్యమాల్లో వైరల్ గా మారింది. దీనిని చూసిన అభిమానులు,నెటిజన్లు క్రేజీ కామెంట్స్ చేస్తున్నారు. రానా ఫ్రెండ్లీ నేచర్ ఇలాగే ఉంటుందని మెచ్చుకుంటున్నారు.

హోట ల్ సిబ్బందితో రానా దగ్గుబాటి.. వీడియో ఇదిగో..

రానా నాయుడు  వెబ్ సిరీస్ కు  గానూ ఉత్తమ నటుడి అవార్డుతో రానా దగ్గుబాటి..

నిర్మాతగా బిజీ బిజీగా..

మరిన్ని సినిమా వార్తల కోసం ఇక్కడ క్లిక్ చేయండి.