R. Madhavan: ప్రైవేట్ జెట్ కాదు.. సొంతంగా షిప్ కొన్న హీరో.. మాధవన్ గురించి ఈ విషయాలు తెలిస్తే మైండ్ బ్లాంకే..

Madhavan

సౌత్ ఇండస్ట్రీలోని స్టార్ హీరోలలో ఆర్.మాధవన్ ఒకరు. సఖి సినిమాతో అప్పట్లో అమ్మాయిల డ్రీమ్ హీరోగా ఫుల్ ఫేమస్ అయ్యాడు. ఆ తర్వాత తమిళంలో వరుస సినిమాలు చేస్తూ తనకంటూ ప్రత్యేక స్థానం సంపాదించుకున్నాడు. హీరోగానే కాకుండా విభిన్న పాత్రల్లో నటించి అందరి దృష్టిని ఆకర్షించాడు. లవర్ బాయ్ గా సినీ రంగంలోకి అడుగుపెట్టిన మాధవన్ ఇప్పుడు విలన్ షేడ్ ఉన్న పాత్రల్లో కనిపిస్తూ ఆకట్టుకుంటున్నాడు. ప్రస్తుతం బాలీవుడ్ లో వరుస సినిమాలు వెబ్ సిరీస్ చేస్తూ బిజీగా ఉంటున్నాడు మాధవన్. ఇటీవల ఆయన నటించిన షైతాన్ సినిమా పై విమర్శకులు ప్రశంసలు కురిపిస్తున్నారు. ఈ సినిమా బాక్సాఫీస్ వద్ద భారీ వసూళ్లను రాబట్టింది. సినిమా విజయం తర్వాత ఓ ఇంటర్వ్యూలో మాట్లాడిన మాధవన్, తాను ఇప్పటివరకు కొన్న వస్తువుల్లో అత్యంత ఖరీదైన వస్తువు గురించి చెప్పుకొచ్చాడు.

మాధవన్ తన కుటుంబంతో కలిసి లాస్ ఏంజెల్స్‌లో నివసిస్తున్నాడు. హాలీవుడ్‌లోని ప్రముఖ నటులు నివసించే బెవర్లీ హిల్ ప్రాంతం ఇదే. అయితే తాను ఎక్కువ డబ్బు ఖర్చు చేసింది తన ఇంటిపైనే అని వెల్లడించాడు. అయితే ఇళ్లు కోసం ఎంత డబ్బు చెల్లించాడు అనే విషయాన్ని బయటపెట్టలేదు. అలాగే ఇంటిని మాత్రమే కాకుండా సొంతంగా ఓ షిప్ కొన్నారట. సాధారణంగా ప్రైవేట్ షిప్స్ విలువ కోట్ల రూపాయల్లో ఉంటుంది.కెప్టెన్ లైసెన్స్ కోసం మాధవన్ ఈ నౌకను కొనుగోలు చేశారు. కోవిడ్ కాలంలో మాధవన్ ఆరు నెలల పాటు ప్రిపేర్ అయ్యాడని, కెప్టెన్ పరీక్షలో ఉత్తీర్ణత సాధించి లైసెన్స్ పొందాడని సమాచారం. ఆ తర్వాత ఓ ప్రైవేట్ షిప్ కొన్నాడు. మాధవన్‌కు ఆర్సీ పైలట్ లైసెన్స్ కూడా ఉంది. మాధవన్ RC విమానాలను కూడా నడపగలడు.

ఆర్సీ విమానాలను రిమోట్ సహాయంతో నడుపుతారు. మాధవన్ మంచి గోల్ఫ్ క్రీడాకారుడు. షూటింగ్ నుంచి విరామం దొరికితే స్నేహితులతో గోల్ఫ్ ఆడతాడు. అంతేకాకుండా అతడు మంచి బైక్ రైడర్. అత్యంత ఖరీదైన బైక్‌లను కలిగి ఉన్నాడు. మాధవన్ ఖాళీ సమయాల్లో బైక్ రైడింగ్‌ను కూడా ఎంజాయ్ చేస్తుంటాడు. ఇవే కాకుండా అతడు ఐస్ స్కీయింగ్ కూడా చేస్తాడు. మాధవన్‌కి కూడా కథలు రాయడం ఇష్టం. షూటింగ్ ఖాళీ సమయంలో కథలు రాసుకుంటాడు. మొత్తానికి అతడు మల్టీ టాలెంటెడ్.

మరిన్ని సినిమా వార్తల కోసం ఇక్కడ క్లిక్ చేయండి.