షాకింగ్ లుక్‏లో రెబల్ స్టార్.. మీరెప్పుడైన ప్రభాస్‏ను ఇలా చూశారా ? సోషల్ మీడియాలో ఫోటో వైరల్..

Prabhas: టాలీవుడ్ రెబల్ స్టార్ ప్రభాస్ వరుస పాన్ ఇండియన్ సినిమాలతో ఫుల్ బిజీగా ఉన్నాడు. ఇప్పటికే ఈ హీరో.. రాధకృష్ణ కుమార్ డైరెక్షన్లో పాన్ ఇండియన్ మూవీ ‘రాధేశ్యామ్’ సినిమాలో నటించాగా.. ఇటీవల ఈ సినిమా షూటింగ్ పూర్తిచేసుకొని విడుదలకు సిద్ధంగా ఉంది. ఇందులో పూజా హెగ్డే హీరోయిన్‏గా నటించింది. ఇప్పటికే ఈ చిత్రం నుంచి విడుదలైన టీజర్, పోస్టర్స్‏తో సినిమాపై మరింత అంచనాలను పెంచేశాడు డైరెక్టర్. ఇదిలా ఉంటే.. ప్రభాస్ ప్రస్తుతం మరో రెండు పాన్ ఇండియన్ సినిమాల్లో నటిస్తున్నాడు. అవి.. కేజీఎఫ్ డైరెక్టర్ ప్రశాంత్ నీల్ దర్శకత్వంలో ‘సలార్’ అనే మూవీ చేస్తున్నాడు. ఇందులో శ్రుతి హాసన్ హీరోయిన్‏గా నటిస్తోంది. ప్రస్తుతం ఈ మూవీ చిత్రీకరణ జరుపుకుంటుంది. అలాగే అటు బాలీవుడ్ డైరెక్టర్ ఓంరౌత్ తెరకెక్కిస్తున్న పౌరాణిక చిత్రం ‘ఆదిపురుష్’‏లోనూ నటిస్తున్నాడు ప్రభాస్. రామాయణ గాథ నేపథ్యంలో తెరకెక్కనుండగా.. ఇందులో ప్రభాస్ రాముడిగా కనిపించనున్నాడు. బాలీవుడ్ స్టార్ హీరో సైఫ్ అలీఖాన్ ఈ సినిమాలో రావణుడిగా నటించనున్నాడు. ఇక ఈ సినిమాలో సీత పాత్రలో బాలీవుడ్ బ్యూటీ కృతి సనన్ నటించనుంది. ప్రస్తుతం ఈ మూవీ షూటింగ్ ముంబైలో శరవేగంగా జరుగుతుంది.

Prabhas Throwback Picture

తాజాగా సోషల్ మీడియాలో ప్రభాస్‏కు సంబంధించిన ఓ అరుదైన ఫోటో వైరల్ అవుతుంది. ఇందులో డార్లింగ్ మునీశ్వరుడి గెటప్‏లో ఉన్నాడు. అయితే ప్రభాస్ ఏ సినిమాలో మునీశ్వరుడిగా కనిపించాడు అని డౌట్ వస్తుంది కదూ. కానీ ఈ లుక్ తన సినిమా కోసం కాదండోయ్. విశ్వామిత్ర క్రియేషన్స్ అనే నిర్మాణ సంస్థ కోసం ఇలా రెడీ అయ్యాడు ప్రభాస్. గతంలో దర్శకధీరుడు రాజమౌళి తెరకెక్కించిన యమదొంగ సినిమాను విశ్వామిత్ర క్రియేషన్స్ బ్యానర్ పై నిర్మించాడు. అయితే ఈ బ్యానర్ లోగో కోసం విశ్వామిత్రుడి గెటప్ కావాల్సి వచ్చింది. అయితే ఈ వేషం కోసం ప్రభాస్ సరిగ్గా సెట్ అవుతాడని భావించారట. అందుకోసమే డార్లింగ్ విశ్వామిత్రుడిగా మారిపోయాడు. ఈ బ్యానర్ పై రాజమౌలి యమదొంగ తర్వాత మరే చిత్రాన్ని నిర్మించలేదు. ప్రస్తుతం రాజమౌళి భారీ బడ్జెట్‏తో పాన్ ఇండియన్ చిత్రం ఆర్ఆర్ఆర్ సినిమాను తెరకెక్కిస్తున్నాడు. ఇందులో మెగా పవర్ స్టార్ రామ్ చరణ్, యంగ్ టైగర్ ఎన్టీఆర్ ప్రధాన పాత్రలో నటిస్తుండగా.. బాలీవుడ్ బ్యూటీ అలియా భట్, హాలీవుడ్ భామ ఒలీవియా మోరిస్ హీరోయిన్లుగా నటిస్తున్నారు. ఈ సినిమా అక్టోబర్ 13న ప్రేక్షకుల ముందుకు రానుంది. ఇందులో బాలీవుడ్, హాలీవుడ్ నటీనటులు కీలక పాత్రల్లో నటిస్తున్నారు.

Also Read: Corona Effect On Tollywood: టాలీవుడ్‌లో మళ్లీ కరోనా సంక్షోభం.. నిర్మాతల్లో గుబులు.. ఇండస్ట్రీలో ఆవేదన