Megastar Chiranjeevi: ‘చిరంజీవి స్టెప్పులేస్తుంటే కళ్లు తిప్పుకోలేం’.. మెగాస్టార్‌ఫై ఆమిర్ ఖాన్ ప్రశంసలు

Aamir Khan, Megastar Chiranjeevi

టాలీవుడ్ మెగాస్టార్ చిరంజీవి గిన్నిస్‌ బుక్ ఆఫ్ వరల్డ్ రికార్డ్స్ లోకి ఎక్కారు. ఆయనకు ‘మోస్ట్ ప్రొఫైల్డ్ స్టార్ ఆఫ్ ఇండియన్ సినిమా’ సర్టిఫికేట్ ప్రదానం చేశారు గిన్నిస్ బుక్ ప్రతినిధులు. 45 ఏళ్లుగా సినిమాలు చేస్తోన్న చిరంజీవి మొత్తం 156 సినిమాల్లో 537 పాటలకు గానూ 24 వేల డ్యాన్స్ స్టెప్పులు వేసి రికార్డు సృష్టించారు. తన ప్రతిభకు ప్రతీకగానే ఆదివారం (సెప్టెంబర్ 23) ఆయనకు గిన్నిస్ బుక్ ఆఫ్ వరల్డ్ రికార్డ్స్ లో స్థానం దక్కింది. ఇదే వేదికపై ఉన్న ఆమిర్ఖాన్ చిరంజీవిపై ప్రశంసలు కురిపించారు. మెగాస్టార్ కు ఈ అవార్డును అందజేయడానికి ఆయన ముంబై వచ్చారు. అవార్డు ప్రదానం అనంతరం ఆయన చిరంజీవి గురించి మాట్లాడారు. ‘చిరంజీవిని నేను అన్నయ్యగా భావిస్తాను. నేను కూడా ఆయన అభిమానిని. చిరంజీవికి ఈ గౌరవం దక్కడం సంతోషంగా ఉంది. ఫోన్ చేసి ఈ కార్యక్రమానికి రావాల్సిందిగా అభ్యర్థించారు. అడిగే బదులు మీరు నాకు ఆర్డర్ ఇవ్వండి అని చెప్పాను’.

‘ఈ ప్రతిష్ఠాత్మక ఈవెంట్‌లో నేనూ భాగమవడం చాలా ఆనందంగా ఉంది. ప్రతి పాటను ఆస్వాదించి, డ్యాన్స్‌ చేస్తుంటారు చిరంజీవి. ఏదైనా ప్రాణం పెట్టేస్తారు. చిరంజీవి డ్యాన్స్‌ వేయడం చూస్తే కళ్లుతిప్పుకోలేం. చిరంజీవి సాధించిన విజయాలు ఎన్నో ఉన్నాయి. అభిమానులను అలరించడానికి ఆయన ఎప్పుడూ ముందుంటారు’ అని ప్రశంసలు కురిపించారు ఆమిర్ ఖాన్. కాగా చాలా మంది దక్షిణాది హీరోలతో అమీర్ ఖాన్ కు మంచి సాన్నిహిత్యం ఉంది. అక్కినేని కుటుంబంతో అమీర్ ఖాన్ కు మంచి అనుబంధం ఏర్పడింది. గతంలో విడుదలైన ‘లాల్ సింగ్ చద్దా’ సినిమాలో నాగ చైతన్య నటించాడు. ఆ సందర్భంగా అమీర్ ఖాన్ నాగ చైతన్య ఇంట్లో డిన్నర్ కూడా చేసాడు.

గిన్నిస్ బుక్ ఈవెంట్ లో చిరంజీవి, ఆమిర్ ఖాన్.. వీడియో

మరిన్ని సినిమా వార్తల కోసం ఇక్కడ క్లిక్ చేయండి.